កណ្តាល:ប្រភពយោងតាមផេកនាយកដ្ឋាននគរបាលបង្ការពន្លត់អគ្គិភ័យបានឲ្យដឹងថា (ព័ត៌មានលម្អិត) ថ្ងៃព្រហស្បតិ៍ ១៥ កើត ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៣១ ខែសីហា ឆ្នាំ២០២៣ វេលាម៉ោង ១៨:៤០ នាទីយប់ មានករណីអគ្គិភ័យបានឆាបឆេះរថយន្តមួយគ្រឿងដែលស្ថិតនៅចំណុចផ្លូវក្រវ៉ាត់ក្រុងទី៣ ភូមិក្របៅអាច់កុក សង្កាត់កំពង់សំណាញ់ ក្រុងតាខ្មៅ ខេត្តកណ្តាល ម្ចាស់រថយន្តមិនស្គាល់អត្តសញ្ញាណបានរត់គេចខ្លួនបាត់។
+ សម្ភារ:ខូចខាត: រថយន្តមួយគ្រឿងម៉ាកតូយ៉ូតា យ៉ារីស ( TOYOTA YARIS ) ពណ៌ទឹកប្រាក់ ពាក់ស្លាកលេខ PP.1275 ចង្កូតស្តាំឆេះខូចខាតរថយន្តមួយគ្រឿងទាំងស្រុង។
+ គ្រោះថ្នាក់មនុស្ស: គ្មាន ។
+ មូលហេតុ: បណ្ដាលមកពីរថយន្តបើកបរល្បឿនលឿនមិនបានប្រុងប្រយ័ត្នក៏រ៉េចង្កូតទៅបុកទ្រូងពុះចែកផ្លូវក្រឡាប់រថយន្តទើបបណ្ដាលឲ្យឆាបឆេះតែម្ដង។
+ កងកម្លាំងបានប្រេីប្រាស់រថយន្តពន្លត់របស់ការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលខេត្តកណ្ដាលចំនួន០១គ្រឿង បានប្រើប្រាស់អស់ទឹកចំនួន០១រថយន្ត ហើយរលត់ជាស្ថាពរនៅវេលាម៉ោង ១៩:៤០ នាទីយប់ នាថ្ងៃ.ខែ.ឆ្នាំដដែល។
មតិយោបល់