តាកែវ:ដោយមានការយកចិត្តទុកដាក់ពីសំណាក់លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ និងមានការសម្របសម្រួលនីតិវិធីច្បាប់ ពីឯកឧត្តមព្រះរាជអាជ្ញាអមសាលាដំបូងខេត្តតាកែវ លោកវរសេនីយ៍ឯក ជា សុផល អធិការនគរបាលស្រុក បានបញ្ជាអោយលោកវរសេនីយ៍ទោ ហៀម ស្រីម និងលោកអនុសេនីយ៍ឯក ខន សុខលាង អធិការរងនគរបាលស្រុក ដឹកនាំកម្លាំងជំនាញធ្វើការ​ឃាត់ខ្លួន​ជនសង្ស័យម្នាក់ ឈ្មោះ ទូច ស្រីមុំ (ហៅអូន) ភេទស្រី អាយុ៦៧ឆ្នាំ (ជាមុខសញ្ញាជួញដូរយ៉ាងសកម្ម) មានលំនៅភូមិពោធិ៍ ឃុំព្រះបាទជាន់ជុំ ស្រុកគិរីវង់ ខេត្តតាកែវ ធ្វើការឃាត់ខ្លួននៅវេលាម៉ោង១៤ និង ២១ នាទីថ្ងៃសុក្រ៨កើត ខែ ភទ្របទ ឆ្នាំថោះ បញ្ចស័កព.ស ២៥៦៧ ត្រូវនឹងថ្ងៃទី២២ ខែ កញ្ញា ឆ្នាំ២០២៣ បន្ទាប់មកសមត្ថកិច្ចយើងឆែកឆេររកឃើញមានម្សៅក្រាមថ្លាពណ៌ ស ចំនួន៩កញ្ចប់តូច ,និង ១ កញ្ចប់ធំ ហើយជនសង្ស័យបានឆ្លើយសារភាពថា ម្សៅក្រាមថ្លាពណ៌ស (គ្រឿងញៀន ) ពិតជារបស់ខ្លួនពិតប្រាកដ ។
បច្ចុប្បន្នកម្លាំងជំនាញកំពុងធ្វើការសាកសួរ និងកសាងសំណុំរឿងតាម នីតិវិធីច្បាប់ ។