បាត់ដំបង:នៅថ្ងៃទី៣០ខែតុលាឆ្នាំ២០២៣អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកឧត្តមសេនីយ៍ត្រី លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ឯក ប៉ាង ហៀង អធិការនគរបាលស្រុកគាស់ក្រឡ បានដឹកនាំកម្លាំងផ្នែកជំនាញ និងកម្លាំងប៉ុស្តិ៍នគរបាលរដ្ឋបាលឆ្នាល់មាន់ ធ្វើការស្រាវជ្រាវ និងឃាត់បានជនសង្ស័យឈ្មោះច្រឹក លឹម ភេទប្រុស អាយុ៤៤ឆ្នាំរស់នៅក្រុមទី០៧ភូមិផ្អៀង ឃុំកកោះ ស្រុកមោងឫស្សី ខេត្តបាត់ដំបង ដោយនាំទៅដកហូតយកម៉ូតូមួយគ្រឿងម៉ាកហុងដាឌ្រីម
– សេរីឆ្នាំ2021 ពណ៌ខ្មៅ
-ពាក់ស្លាកលេខ 1AQ 1421
ចំពោះមូលហេតុដែលឈានដល់ការឃាត់ខ្លួននេះគឺកាលពីថ្ងៃទី២៧ខែតុលាឆ្នាំ២០២៣វេលាម៉ោង១៤និង២៤ នាទីជនសង័្សយខាងលេីបានសុំខ្ចីម៉ូតូរបស់ជនរងគ្រោះឈ្មោះ អឿក រតន: ភេទប្រុស អាយុ២៩ឆ្នាំ រស់នៅភូមិព្រៃចក ឃុំព្រះផុស ស្រុកគាស់ក្រឡ ខេត្តបាត់ដំបង រួចជិះយកទៅបញ្ចាំ។
ក្រោយកេីតហេតុជនរងគ្រោះបានដាក់ពាក្យបណ្តឹងមកសមត្ថកិច្ចនគរបាលស្រុកនិងផ្តេីមធ្វេីការស្រាវជ្រាវរហូតឃាត់ខ្លួនជនសង័្សយខាងលេីនិងនាំមកធ្វេីការស្រាវជ្រាវនិងដកហូតម៉ូតូប្រគល់ជូនម្ចាស់វិញ រីឯជនសង័្សយត្រូវបានបញ្ជូនមកការិយាល័យជំនាញអនុវត្តទោសតាមផ្លូវច្បាប់៕
មតិយោបល់