កំពង់ស្ពឺ:ប្រភពយោងតាមផេកស្នងការដ្ឋាននគរបាលខេត្តកំពង់ស្ពឺបានឲ្យដឹងថា កម្មករបេះផ្លែស្វាយជួបគ្រោះថ្នាក់ចរាចរណ៍នៅស្រុកភ្នំស្រួចរវាងរថយន្តបុករថយន្ត បណ្ដាលឱ្យរងរបួសជាច្រើននាក់ នាព្រឹកថៃ្ងទី ០៦ វិច្ឆិកា ២០២៣នេះ
យោងតាមព័ត៌មានពី ជំនាញនគរបាលចរាចរណ៍ស្រុកភ្នំស្រួច បានរាយការណ៍នៅថ្ងៃទី០៦ ខែវិច្ឆិកា ឆ្នាំ២០២៣ វេលាម៉ោង០៦នឹង០០នាទី ថាមានករណីគ្រោះថ្នាក់ចរាចរណ៍ មួយបានកើតឡើងលើផ្លូវក្រាលកៅស៊ូ ត្រង់ចំណុចភូមិក្បាលទឹកលើ ឃុំជាំសង្កែ ស្រុកភ្នំស្រួច ខេត្តកំពង់ស្ពឺ
បង្កឡេីងដោយ រថយន្តដឹកកម្មករបេះស្វាយដែលបើកបរបញ្ច្រាសទិសគ្នា ជាមួយរថយន្ដទេសចរណ៍ Prius មួយគ្រឿងទៀត បណ្តាលឲ្យគ្រោះថ្នាក់មនុស្សនិងខូចខាតសម្ភារ:ជាច្រេីន ក្នុងនោះរបូសធ្ងន់២១ នាក់ ស្រី ០៧
របួសស្រាល ១២ នាក់
សមត្ថកិច្ចអាជ្ញាធរ មូលដ្ឋានបានកំពុងធ្វេីការជួយសម្របសម្រួលសង្រ្គោះបញ្ជូនទៅមន្ទីរព្យាបាលនិងសង្រ្គោះ មណ្ឌលសុខភាព ដែលនៅគៀកជិត និងពិនិត្យស្ថានភាព បញ្ជូនបន្ដក្នុងករណីធ្ងន់ធ្ងរ មន្ទីរពេទ្យបង្អែកត្រពាំងក្រឡឹង ។
សម្ភារ:ខូចខាតរថយន្ត០២គ្រឿងធ្ងន់ សមត្ថកិច្ចកំពុងចាត់ការតាមនីតិវិធី រីឯអ្នកបេីកបរនៅនឹងកន្លែង កេីតហេតុ៕
មតិយោបល់