Post News Media ព័ត៌មានជាតិ អាជ្ញាធរខេត្ត...

អាជ្ញាធរខេត្តបន្ទាយមានជ័យ បើកយុទ្ធនាការបិទនិងចែក ស្ទីកឃើ ចំណាំងផ្លាត ជូនពលរដ្ឋ

បន្ទាយមានជ័យ: នៅព្រឹកថ្ងៃទី២៩ សីហា នេះ មន្ទីរសាធារណ:ការ និងដឹកជញ្ជូន ខេត្តបន្ទាយមានជ័យ ដឹកនាំដោយលោក គីម សុវណ្ណ ប្រធានមន្ទីរខេត្ត ក្រោមវត្តមានលោក សួន បវរ អភិបាល ខេត្តបន្ទាយមានជ័យ និងមានការចូលរួមពីមន្ត្រីនគរបាលចរាចរផ្លូវគោក និងអាជ្ញាធរទាំង៩ស្រុក-ក្រុង បានបើកយុទ្ធនាការចែក ស្ទីកឃើ ចំណាំងផ្លាតនៅពេលយប់ ចំនួន ១៥,៨៥១សន្លឹក ជូនប្រជាពលរដ្ឋ និងមានការ បិតផ្ទាល់លើគោយន្ត និងម៉ូតូ ប្រមាណ១០០គ្រឿង ដែលគ្មានភ្លើងបំភ្លឺផ្លូវនៅពេលយប់ផងដែរ ។

លោក សួន បវរ អភិបាល ខេត្តបន្ទាយមានជ័យ បានប្រសាសន៍ថា នារដូវធ្វើស្រែចំការ បងប្អូនប្រជាកសិករ ដែលប្រើគោយន្ត បើកបរលើផ្លូវ សាធារណ: ជាពិសេសលើផ្លូវជាតិតេម្តង ដូច្នេះអាជ្ញាធរស្រុក ត្រូវយកស្ទីកឃើ ចំណាំងផ្លាតនៅពេលយប់នេះ ទៅចែកជូនដល់ពួកគាត់ ជៀសវាង បងប្អូនធ្វើដំណើរ ពេលយប់ជួបគ្រោះថ្នាក់ដល់អាយុជីវិត ។

លោក បន្ដថា ពេលដែលបងប្អូនទទួលស្ទីកឃើ នេះហើយ ត្រូវចេះថែរក្សា ហើយបើមានរហែក ឬរបក ត្រូវសុំពីអាជ្ញាធរយកបិតទៀត។

លោក គីម សុវណ្ណ ប្រធានមន្ទីរសាធារណ:ការ និងដឹកជញ្ជូនខេត្ត បានបញ្ជាក់ថា ដោយទទួលស្ទីកឃើ ចំណាំងផ្លាត ពីលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណ:ការ និងដឹកជញ្ជូនលើការគិតគូរពី សុវត្ថិភាពចរាចរ លោក បានចែកស្ទីកឃើ ចំណាំងផ្លាតទៅ ការិយាល័យ ជំនាញ គ្រប់ស្រុកក្រុង ធ្វើយ៉ាងណាបិទនិង ចែកឲ្យប្រជាពលរដ្ឋ យកបិតលើយានជំនិះ របស់ពួកគាត់ឲ្យបានគ្រប់ៗគ្នា ៕

op (1)

op (2)

op (3)

op (4)

op (5)

op (6)

op (7)

Loading...