កាលពីល្ងាចថ្ងៃទី ៤ ខែ មករា វេលាម៉ោង ៦ រហូតដល់ម៉ោង ៩ យប់មានការដាក់បញ្ជាំងខ្សែភាពយន្ត”ឃ្លាតទៅសែនឆ្ងាយ” ដែលមានតារាល្បីៗចូលរួមទស្សនាយ៉ាងច្រើនកុះករនៅរោងភាពយន្ត The Cineplex ។
“ឃ្លាតទៅសែនឆ្ងាយ”គឺជាសាច់រឿងមួយដែលនិយាយពីប្រវត្តិជូរចត់របស់គ្រួសារម្នាក់ដែលស្ថិតក្នុងសម័យនោះ ហើយអត្ថន័យធំបំផុតរបស់សាច់រឿងនេះដែរ ចង់និយាយពីអ្នកម្តាយម្នាក់ដែលស្ថិតក្នុងសម័យកាលដ៏ខ្មៅងងឹតគួរឲ្យរន្ឋត់នោះ ហើយរឿងនេះដែរចង់បញ្ជាក់ពីស្នាមដាមនៃអំពើយោងឃ្នងក្នុងរបបពិឃាតក្នុងចន្លោះឆ្នាំ ១៩៧៥ ដល់១៩៩៧៩ ។តាមរយៈសាច់រឿងនេះដែរគឺជាស្នាដៃនិពន្ឋរបស់អ្នកស្រី កូវ សុធារី និងដឹកនាំរឿងដោយ លោក ឆាយ បូរ៉ា ដែលជាចាងហ្វាងផលិតកម្ម “ដើមត្នោត” ។
លោក ឆាយ បូរ៉ា បានប្រាប់ គេហទំព័រដំណឹង ថា គោលបំណងធំដែលលោកចង់ក្រងថតនូវសាច់រឿងនេះឡើង ទី១ រឿងឃ្លាតទៅសែនឆ្ងាយ ចង់និយាយពីប្រវត្តិនៃអតីតកាលដែលបានឆ្លងកាត់របបប្រជាធិបតេយ្យ ដែលជារបបខ្មៅងងឹត ទី២ចង់ឲ្យយុវជនជំនាន់នេះក៍ដូចជាជំនាន់ក្រោយបានសិក្សារៀនសូត្រពីប្រវត្តិសាស្រ្តខ្មែរនៃរបប ប៉ុល ពត ទី៣ ចង់បង្ហាញព្រហ្មវិហារធម៌របស់ម្តាយចំពោះកូនបើទោះបីជាស្ថិតក្នុងកាលៈទេសៈខ្មៅងងឹតកាត់ផ្តាច់នូវមនោសញ្ចេតនារវាងម្តាយនឹងកូន ធ្វើឲ្យម្តាយឃ្លាតកូន កូនឃ្លាតម្តាយក៍ក្តីស្រលាញ់ម្តាយនៅតែមានចំពោះកូន ។ ចំណែកទី៤នោះវិញ លោកចង់ពន្លឿននៃសិល្បៈខ្សែភាពយន្តរបស់ខ្មែរ ឲ្យមានសន្ទុះកើនទៅមុខឲ្យដូចសាច់រឿងក៍ដូចសិល្បៈលោកខាងលិច ហើយចង់ឲ្យសិល្បៈភាពយន្តខ្មែរងើបមុខឡើងដូចក្នុងទស្សវត្យទី ៦០ ផងដែរ ។
លោក បានបញ្ជាក់បន្ថែមទៀតថា រយៈពេល ៣៣ ឆ្នាំហើយមកទល់នឹងពេលនេះដែលយើងរួចផុតពីរបបខ្មៅងងឹត របស់បនប៉ុល ពត ហើយក៍ចូលរួមអបអររំលឹកគុណដល់ថៃទី ០៧ មករា ដែលជាថៃ្ងនៃក្តីសង្ឈឹមរស់សាជាថ្មីរបស់ខ្មែរ ។
ប្រិយមិត្ត គេហទំព័រ ដំណឹង ទាំងអស់បានចូលរួមទស្សនានូវខ្សែភាពយន្ត ឃ្លាតទៅសែនឆ្ងាយ ហើយឬ នៅ?បើនៅទេ កុំភ្លេច ទៅតាមដាននូវខ្សែរឿងនេះទាំងអស់គ្នា ជាមួយនឹង គេហទំព័រដំណឹង សូមកុំភ្លេចណា! ចូលរួមលើកស្ទួយវប្បធម៌ខ្មែរ ទាំងអស់គ្នា ៕
ដោយ៖ បុរសដំណឹង
មតិយោបល់