ប្រសិនបើយើងនិយាយពីគ្រឿងអលង្ការលោកអ្នកនឹងគិតថា វាជាខ្សែក ជញ្ជៀន ក្រវិល ហើយជារបស់មានតម្លៃទៀតនោះ វាប្រាកដធ្វើអំពីមាស និងលំអរទៅដោយគ្រាប់ពេជ្រយ៉ាងភ្លឺចិញ្ចែងចិញ្ចាច។ តើលោកអ្នកធ្លាប់គិតដែរ ឬទេ? ក្រៅពីការតែងខ្លួនជាមួយនឹងគ្រឿងអលង្ការទាំងនោះ រួមទាំងសម្លៀកបំពាក់យ៉ាងស្រស់ឆើតឆាយ តើនៅមានអ្វីទៀតដែលគួរតែយកចិត្តទុកដាក់?
នៅពេលនេះ ដំណឹង សូមលើកយកនូវគ្រឿងអលង្ការមួយដែលមានតម្លៃបំផុត ដែលលោកអ្នកបាន សម្អាតវាជារៀងរាល់ថ្ងៃមិនដែលភ្លេច។ លោកអ្នកប្រហែលមិនដែលបានគិតថា វាជាគ្រឿងអលង្ការនោះទេ ព្រោះតែវាសាមញ្ញពេកសម្រាប់ការរស់នៅប្រចាំថ្ងៃ ជួនពេលខ្លះមានអ្នកមួយចំនួនភ្លេចគិតអំពីវាបណ្តែតបណ្តោយធ្វើឲ្យវាស្រអាប់ពន្លឺ ដែលជះឥទិ្ធពលអាក្រក់ដល់ខ្លួនឯងដោយមិនដឹងខ្លួន។
ពេលលោកអ្នកអានមកដឹងត្រឹមនេះ លោកអ្នកដឹងថា តើគ្រឿងអលង្ការនោះជាអី្វ? នោះគឺ ធ្មេញ ប្រសិនបើលោកអ្នកថែរក្សាធ្មេញបានល្អ ទោះជាលោកអ្នកស្លៀកពាក់សាមញ្ញ ប៉ុន្តែស្នាមញញឹម ជាមួយនឹងធ្មេញដែលសដូចភ្លុកនោះ ធើ្វសម្រស់ធម្មជាតិលោកអ្នកលេចចេញមកយ៉ាងត្រកាល។ ផ្ទុយទៅវិញប្រសិនបើលោកអ្នកមិនយកចិត្តទុកដាក់ជាមួយវានោះទេ ធ្វើធ្មេញមានពណ៌លឿងនោះ វាក៏មាននឹងក្លិនមាត់ ដែលជាបច្ចាយអាក្រក់ដល់ការទំនាក់ទំនឹងជាមួយនឹងបណ្តាលមិត្តភក្ត អ្នករួមអាជីព និងអ្នកផងទាំងពួងដែលនៅជុំវិញខ្លួន ហើយអ្វីដែលពិសេសនោះគឺ ជីវិតគូរ ដូច្នេះហើយលោកអ្នកគួរតែថែរក្សានូវគ្រឿងអលង្ការនេះឲ្យបានល្អវានឹងផ្តល់នូវផលប្រយោជន៍ជាច្រើនដល់លោកអ្នកលើសពីសម្រស់ដ៏ស្រស់ស្អាត។
ម៉្យាងវិញទៀត លោកអ្នកប្រាកដជាបានដឹងហើយថា គ្រឿងអលង្ការនេះអាចប្រើសម្រាប់ធ្វើអី្វទៀត គឺការទំពារអាហារ។ អណ្តាតជាវិញ្ញាណមួយសម្រាប់ដឹងនូវរស់ជាតិគ្រប់បែបយ៉ាង ប៉ុន្តែប្រសិនបើ លោកអ្នកមិនមានធ្មេញសម្រាប់ទំពារ ទោះជាមានអាហារពីឋានសួគ៍ក៏លោកអ្នកមិនអាចទទួលបាននូវឱជារសនោះដែរ៕
បំណងល្អពី ដំណឹង សូមថែរក្សាសុខភាពមាត់ធ្មេញ!
មតិយោបល់