CES គឺជាព្រឹត្តិការណ៍សំខាន់មួយអនុញ្ញាតឲ្យក្រុមហ៊ុនខាងបច្ចេកវិទ្យាផ្សេងៗចូលខ្លួនមកបង្ហាញ ដាក់តាំង នូវផលិតផលថ្មីៗរបស់ខ្លួនជួនមហាជន។ ឱកាសល្អបានមកដល់ក្រុមហ៊ុន Lenovo ក៏ឆក់យកភ្លាមផងដែរ ដោយយោងតាមប្រភពព័ត៌មាននៅលើអ៊ីនធើណែតបានឲ្យដឹងថាLenovo នឹងបង្ហាញនូវផលិតផលទូរទស្សន៍ថ្មីសន្លាង។ តាមការឲ្យដឹងបន្ថែមទូរទស្សន៍នោះមានឈ្មោះថា Lenovo K91 Smart TV ដែលប្រើប្រាស់នូវប្រព័ន្ធដំណើរការចុងក្រោយ Android 4.0 ICS។ សម្រាប់វត្តមានទូរទស្សន៍នេះផងដែរនឹងមាននៅក្នុងប្រទេសចិនតែមួយ ហើយសម្រាប់បណ្តាទីផ្សារប្រទេសផ្សេងៗប្រហែលជានឹងមាននៅឆ្នាំក្រោយ។ K91 Smart TV មានអង្គប្រតិបត្តិ Qualcomm’s 8060 Snapdragon processor ជានឹង 1.5 Ghz ដែលមាន RAM ទំហំ 1GB និងមានមេម៉ូរ៉ីក្នុងម៉ាស៊ីនទំហំ 2 GB ហើយសម្រាប់ទំហំអេក្រង់គឺមានពីរប្រភេទ មួយទំហំ 42 អ៊ីង និងមួយទៀត 50 អ៊ីង 3D LED។ លើសពីនេះក៏មានផងដែរនូវកាមេរ៉ាទំហំ 5 មេហ្គាភិចសែល ដែលប្រើសម្រាប់ webcam។ល។ ប៉ុន្តែសម្រាប់កម្មវិធីដែលអាចប្រើជាមួយនឹង K91 នៅមិនទាន់ដឹងច្បាស់ថាមាននៅលើ Android Market ឬនៅលើ TV Market នោះទេ៕
មតិយោបល់