នៅប្រទេសមិកស៊ិករថយន្តដឹកទំនិញមួយគ្រឿង កំពុងធ្វើដំណើរក្នុងល្បឿនជាង ៧០គីឡូម៉ែត្រក្នុងមួយម៉ោង បានបុកជាមួយរថយន្តដឹកអ្នកដំណើរមួយគ្រឿង ទៀតយ៉ាងពេញទំហឹងស្នូរដូចបំផ្ទុះគ្រាប់ បណ្តាលឲ្យអ្នកដំណើរចំនួនមនុស្ស៤៣នាក់ បានបាត់បង់ជីវិត ភ្លាម កាលពីថ្ងៃសុក្រកន្លងមក នៅប្រទេសមិកស៊ីក។
នគរបាលចរាចរណ៍ម្នាក់ បានឲ្យដឹងថា រថយន្តដឹកទំនិញ បានទៅ បុកជាមួយរថយន្តដឹកអ្នកដំណើរចំពាក់កណ្តាល បណ្តាលឲ្យរថយន្តដឹក អ្នកដំណើរបាក់មួយកំណាត់ នឹងសម្លាប់អ្នកដំណើរដែលនៅលើរថយន្តដឹក អ្នកដំណើរនោះស្ទើតែទាំងអស់គ្នា។
ប្រភពព័ត៌មានដដែលបានបន្ថែមទៀតថា គ្រោះថ្នាក់ចរាចរណ៍នេះ បាន កើតឡើងដោយសារតែរថយន្តទាំងពីរគ្រឿងត្រូវបានបើកបរក្នុងល្បឿន លឿន ហួសប្រមាណ ហើយដល់ផ្លូវកោងយកចង្កូតមិនទាន់ ក៏បានបុកគ្នាយ៉ាងពេញទំហឹង ដែលបណ្តាលឲ្យសម្លាប់មនុស្សយ៉ាងច្រើនបែបនេះ៕
ប្រែសម្រួលដោយ៖ បុរសដំណឹង
មតិយោបល់