ភ្នំពេញ ៖ ថ្ងៃទី៤ ខែ មិថុនា នៅទីស្នាក់ការ Nokia ប្រចាំនៅរាជធានីភ្នំពេញបានបញ្ជាក់ថា ទូរស័ព្ទ Nokia 808 Pureទស្សនា ដែលជាស្មាតហ្វូនដំបូងបង្អស់ដែលប្រើប្រាស់បច្ចេកវិទ្យា Pureទស្សនា ប្រកបទៅដោយសមត្ថភាព​ថតរូបភាព​បានច្បាស់​កម្រិត​​ខ្ពស់​​ជាងគេបង្អស់របស់ Nokia នឹងត្រូវដាក់លក់ជូនអតិថិជននៅ កម្ពុជាចាប់ពីសប្តាហ៍ក្រោយនេះតទៅហើយ។

ចាប់តាំងពីបានប្រកាសជាសាធារណ:កាលពីខែកុម្ភ:កន្លងមក ស្មាតហ្វូន Nokia 808 Pureទស្សនា បានទទួលនូវ​ពានរង្វាន់ធំៗ​ជាបន្តបន្ទាប់ដូចជា ៖ ពានរង្វាន់ “ទូរស័ព្ទ ចល័តល្អផ្តាច់គេ (Best Mobile Device)” នៅឯមហា​ព្រឹត្តិការសមាជទូរស័ព្ទពិភពលោក និងពានរង្វាន់ “ទំនើបកម្មរូបភាពល្អផ្តាច់គេប្រចាំឆ្នាំ២០១២ (Best Imaging Innovation for 2012)” ពីសមាគមសារព័ត៌មានបច្ចេកទេសរូបភាព (Technical Image Press Association)។

Nokia 808 Pureទស្សនា មានកាមេរ៉ា៤១មេហ្គាភិចសែល មានកញ្ចក់អុបទិច Carl Zeiss និងបច្ចេកវិទ្យាថតរូបភាព​បានល្អនៅពេលខ្វះពន្លឺ។ បើកំណត់យកកម្រិត Standard Resolution វាមានសមត្ថភាពទាញរូបភាពឲ្យឃើញជិត ហើយនៅតែច្បាស់ដដែល។ បើកំណត់យកកម្រិត High-resolution វាមានសមត្ថភាពថតរូបភាពដើម្បីយកមកពង្រីក ឬកាត់យកប្លង់ណាមួយ ដែលធ្វើឲ្យយើងមើលឃើញនូវវត្ថុដែលយើងពិបាកនឹងឃើញ ដោយភ្នែកទទេ។ ជាមួយ​នឹងការកំណត់យកមុខងារថតរូបក្នុងលក្ខខណ្ឌពន្លឺតិច បូកផ្សំ នឹងសមត្ថភាពបង្រួមទំហំរូបភាពដើម្បី​បញ្ចូល​ទៅ​បណ្តាញ​​សង្គម ឬអ៊ីមែលផងនោះ, Nokia 808 Pureទស្សនា ផ្តល់លទ្ធភាពជូនអ្នកប្រើប្រាស់ក្នុងការ​ថតរូប​លំដាប់​វិជ្ជាជីវ:បាន គ្រប់លក្ខខណ្ឌ។

ក្រៅពីនេះ Nokia 808 Pureទស្សនា ក៏អាចថតនិងមើលវីដេអូកម្រិត HD 1080p បានដែរ។ ជាមួយ នឹងមុខងារ Nokia Rich Recording ធ្វើឲ្យការថតយកសំលេង មានគុណភាពខ្ពស់ដូចគេថត ដាក់ស៊ីឌី ដោយពុំចាំបាច់ប្រើមីក្រូហ្វូនឡើយ៕

អត្ថបទ៖​ក្រុមហ៊ុន Nokia