ឆ្លើយតបទៅនឹងតម្រូវការដ៏ចាំបាច់របស់យុវជន-យុវតីខ្មែរ ក្នុងការប្រើប្រាស់ភាសាជាតិដើម្បីការទំនាក់ទំនងគ្នាតាមប្រព័ន្ធបណ្តាញសង្គមជាពិសេសFACEBOOK,ក្រុមហ៊ុនNOKIAថ្មីៗនេះបានបញ្ចូលកម្មវិធីវា

យអក្សរខ្មែរយូនីកូដរួចជាស្រេចនៅក្នុងទូរស័ព្ទស៊ីមពីរប្រភេទ TOUCH & TYPE ដ៏ពោរពេញទៅដោយប្រជាប្រិយភាពរបស់ខ្លួនគឺ NOKIA ASHA 202 ស៊េរីថ្មី។ ដោយឡែក ចំពោះ NOKIA ASHA 202 ស៊េរីមុន អ្នកប្រើប្រាស់អាចយកទូរស័ព្ទទាំងនោះទៅតំលើងកម្មវិធីវាយអក្សរខ្មែរនៅ NOKIA CARE រាជធានីភ្នំពេញដែលមានទីស្នាក់ការនៅអគារ ៣៧៥ វិថីព្រះសីហនុ ដោយចំណាយប្រាក់ចំនួន ៣ ដុល្លាសហរដ្ឋ។

ខាងក្រោមនេះគឺជាវិធីវាយអក្សរខ្មែរដោយប្រើប្រាស់ NOKIA ASHA 202។ ដំបូងអាចស្មុគ្រស្មាញបន្តិចបន្តួចសម្រាប់អ្នកដែលពុំទំលាប់វាយអក្សរខ្មែរយូនីកូដ តែហាត់វាយយូរៗទៅបន្តិចម្តងៗ អ្នកប្រើប្រាស់ពិតជាសំរបខ្លួនបាន,ចំណាំលំដាប់នៃតួអក្សរបាន,វាយបានលឿន,ចូលចិត្តទំនាក់ទំនងជាភាសាជាតិ ដែលអាចនិយាយបាន ថា ជាការចូលរួមចំណែកមួយក្នុងការលើកកម្ពស់ភាសាជាតិកំណើតយើងទៀតផង។

ការវាយព្យញ្ជន:

• ក ខ គ ឃ ង ៖ ចុចប៊ូតុងលេខ 4 ចុចលើកទីមួយនឹងចេញ ក ទីពីរ ខ … ទីប្រាំ ង។
• ច ឆ ជ ឈ ញ ៖ ចុចប៊ូតុងលេខ 5 ចុចលើកទីមួយនឹងចេញ ច ទីពីរ ឆ … ទីប្រាំ ញ។
• ដ ឋ ឌ ឍ ណ ៖ ចុចប៊ូតុងលេខ 6 ចុចលើកទីមួយនឹងចេញ ដ ទីពីរ ឋ … ទីប្រាំ ណ។
• ត ថ ទ ធ ន ៖ ចុចប៊ូតុងលេខ 7 ចុចលើកទីមួយនឹងចេញ ត ទីពីរ ថ … ទីប្រាំ ន។
• ប ផ ព ភ ម ៖ ចុចប៊ូតុងលេខ 8 ចុចលើកទីមួយនឹងចេញ ប ទីពីរ ផ … ទីប្រាំ ម។
• យ រ ល វ ស ហ ឡ អ ៖ ចុចប៊ូតុងលេខ 9ចុចលើកទីមួយនឹងចេញ យ ទីពីរ រ … ទីប្រាំបី អ។

ការវាយជើងព្យញ្ជន:

ដើម្បីវាយឲ្យចេញជើងព្យញ្ជន:ណាមួយ ត្រូវវាយព្យញ្ជន:អ្វីមួយជាមុនសិន, រូចចុចប៊ូតុងលេខ 1 (ចុចតែម្តង),បន្ទាប់មកទៀតចុចយកអក្សរដែលយើងចង់យកទៅធ្វើជាជើងព្យញ្ជន:ដែលបានវាយរួចហើយ។ ឧទាហរណ៍ ៖

• អ្អ ៖ ដំបូងចុចប៊ូតុងដែលផ្ទុកព្យញ្ជន: អ ពោលគឺប៊ូតុងលេខ 9 (ចុចប្រាំបីដង), រួចចុចលេខ 1 (ចុចម្តង), ហើយបន្ទាប់មកទៀតចុចប៊ូតុងដែលផ្ទុកអក្សរ អ គឺប៊ូតុងលេខ 9(ចុចប្រាំបីដង)។អèអ្èអ្អ
• ក្រ ៖ ដំបូងចុចប៊ូតុងដែលផ្ទុកព្យញ្ជន: ក គឺប៊ូតុងលេខ 4 (ចុចម្តង), រួចចុចលេខ 1 (ចុចម្តង) ហើយបន្ទាប់មកទៀតត្រូវចុច ប៊ូតុងដែលផ្ទុកអក្សរ រ គឺប៊ូតុងលេខ 9 (ចុចពីរដង)។ ក èក្ èក្រ

ការវាយដកឃ្លា និងស្រ:ពេញតួ

• ចុចប៊ូតុងលេខ 0 (ចុចម្តង) ដើម្បីដកឃ្លា។
• ចុចតុងលេខ 0 (ចាប់ពីពីរដងឡើងទៅ) ដើម្បីវាយស្រ:ពេញតួតាមលំដាប់ដូចនេះ ឥ ឦ ឧ ឩ ឪ ឫ ឬ ឭ ឮ ឯ ឰ ឱ ឲ ឳ។

ការវាយស្រ:និស្ស័យ និងវណ្ណយុត្តិ

នៅក្នុងទូរស័ព្ទ Nokia Asha 202 មានប៊ូតុងចំនួនបីដែលផ្ទុកស្រ:និស្ស័យ និងវណ្ណយុត្តិ គឺប៊ូតុងលេខ 1, 2, 3។ប៊ូតុងលេខ1 ផ្ទុកស្រ:និស្ស័យទាំងឡាយណាដែលមានទីតាំងនៅប៉ែកខាងក្រោមព្យញ្ជន:គឺស្រ: ុ ូ ួ ុំ ុះ រីឯប៊ូតុងលេខ2ផ្ទុកវណ្ណយុត្តិនិងស្រ:និស្ស័យទាំងឡាយណាដែលមានទីតាំងនៅប៉ែកខាងលើព្យញ្ជន:ដូចជា

ិ ី ឹ ឺ ំ ៏ ៉៊ ័ ៍ ៎ ៌ ។ ប៊ូតុងលេខ 3 ផ្ទុកស្រ:និស្ស័យទាំងឡាយណាដែលមានទីតាំងនៅប៉ែកខាងឆ្វេងឬ/និងខាងស្តាំនៃព្យញ្ជន:ដូចជា ា ើ ឿ ៀ េ ែ ៃ ោ ៅ ាំ ះ េះ ោះ :។ ឧទាហរណ៍ ៖

• តុ ៖ ដំបូង ចុចប៊ូតុងដែលផ្ទុកព្យញ្ជន: ត ដោយចុចលើប៊ូតុងលេខ 7 (ចុចម្តង) រួចចុចប៊ូតុងផ្ទុកស្រ:ុគឺប៊ូតុងលេខ 1 (ពីរដង)។
• ជ័រ ៖ ដំបូង ចុចប៊ូតុងដែលផ្ទុកព្យញ្ជន: ជ ដោយចុចលើប៊ូតុងលេខ 5 (ចុចបីដង) រួចចុចប៊ូតុងផ្ទុកវណ្ណយុត្តិ ័ គឺប៊ូតុងលេខ 2 (ដប់ដង) និងចុចប៊ូតុងដែលផ្ទុកព្យញ្ជន: រ គឺប៊ូតុងលេខ 9 (ចុចពីរដង)
• តឿ ៖ ដំបូង ចុចប៊ូតុងដែលផ្ទុកព្យញ្ជន: ត ដោយចុចលើប៊ូតុងលេខ 7 (ចុចម្តង) រួចចុចប៊ូតុងផ្ទុកស្រ:ឿគឺប៊ូតុងលេខ 3 (បីដង)។

ការវាយវណ្ណយុត្តិ និងសញ្ញាដទៃទៀត៖ ចុចប៊ូតុង * ហើយជ្រើសរើស។

ការវាយពាក្យដែលមានជើងនិងស្រ:ក្នុងពេលតែមួយ

• ថ្នម ៖ ចុចប៊ូតុងលេខ 7(ចុចពីរដង) èថ+ ចុចប៊ូតុងលេខ 1 (ចុចម្តង) èថ្+ ចុចប៊ូតុងលេខ 5(ចុចប្រាំដង)èថ្ន+ចុចប៊ូតុងលេខ8 (ចុចប្រាំដង) èថ្នម
• ស្រ្តី ៖ ចុចប៊ូតុងលេខ 9 (ចុចប្រាំដង) èស+ ចុចប៊ូតុងលេខ 1 (ចុចម្តង) èស្+ ចុចប៊ូតុង 7 (ចុចម្តង) èស្ត + ចុចប៊ូតុងលេខ 1 (ចុចម្តង) èស្ត្ + ចុចប៊ូតុងលេខ 9 (ចុចពីរដង) èស្ត្រ + ចុចប៊ូតុងលេខ 2 (ចុចបីដង) èស្ត្រី ។