សម្រាប់ថ្ងៃនេះដែរ គេហទំព័រដំណឹងសូមណែនាំនូវមុខម្ហូបថ្មីមួយប្រភេទ ទៀតសម្រាប់សុភាព ស្រ្តីមេផ្ទះនោះគឺមុខម្ហូប ឆាគ្រឿងសមុទ្រពិសេស ដែលមានគ្រឿង ផ្សំ និងវីធីធ្វើដូចខាងក្រោម៖

គ្រឿងផ្សំ៖

-បង្កងធំៗ ២ ទៅ ៣ ក្បាលបកសម្បកចេញ

-គ្រំចំពុះទា ២ ទៅ ៣ គ្រំ

-ងាវ ២ ទៅ ៣

-មឹកហាន់ជាកង់ៗ ៣០ ក្រាម

-សាច់ត្រី ហាន់ជាដុំៗ ២០ ក្រាម

-ខ្ទឹមបារាំងហាន់ ៣ ស្លាបព្រាបាយ

-ការ៉ុតហាន់ ២ ស្លាបព្រាបាយ

-ខ្ទឹមសចិញ្ច្រាំ ១ ស្លាបព្រាបាយ

-ប៊ីចេង បន្តិចបន្តួច

-ស្លឹកជីរនាងវងហាន់ ៣ ស្លាបព្រាបាយ

-ទឹកប៉េងប៉ោះខាប់ ៤ ទៅ៥ ស្លាបព្រាបាយ

-ស្រា ស ២ វែកសម្ល

-ប្រេងអូលីវ ឬប្រេងឆា ១ ទៅ ២ ស្លាបព្រាបាយ

-អំបិល និងម្រេច បន្តិចបន្តួច

វិធីធ្វើ:

១.ដាក់ខ្ទះលើភ្លើងឲ្យក្តៅ បន្ទាប់មកដាក់ប្រេងអូលីវ ឬប្រេងឆា ចូលហើយដាក់ខ្ទឹមបារាំងហាន់ ឆាលាយជាមួយនឹងការ៉ុត ខ្ទឹមចិញ្ច្រាំនិងស្លឹក ជីនាងវង។ពេលឆាឆ្អិន ហើយសឹមថែមទឹកប៉េងប៉ោះ ចូលហើយឆាបន្តទៀត។រួចហើយថែមស្រា ស ចូលរម្ញាស់រហូតទាល់តែបន្លែទន់ ហើយសឹមថែមអំបិលប៊ីចេង និងម្រេចជាក្រោយ។

២.ឆាសាច់មួយមុខៗជាមួយនឹងប្រេងអូលីវនិង ប័រឲ្យចោលក្លិនឈ្ងុយសឹមដួសដាក់ចាន ហើយស្រោចទឹកស៊ុប លាយជាមួយគ្រឿងផ្សំរួច ហើយនោះចូលជាមួយនឹងសាច់៕