របាយការណ៍ថ្មីបានឲ្យដឹងថា ចំនួនអ្នកស្លាប់ដោយសារព្យុះសង្ឃរាបុប្ផា នៅភាគខាងត្បូង ប្រទេស ហ្វីលីពីន បានកើន ឡើងប្រហែល ៣០០នាក់ហើយ ខណៈក្រុម ជួយសង្គ្រោះ កំពុងដឹកនាំប្រតិបត្តិការ សង្គ្រោះនៅ តំបន់ ដែល រងផលប៉ះពាល់នោះ នេះបើយោងតាមទីភ្នាក់ងារ Reuters។
ក្រុមជួយសង្គ្រោះ កំពុងតែខ្នះខ្នែង តាមរយកមនុស្សជាច្រើននាក់ទៀតដែលបានបាត់ខ្លួន ប៉ុន្តែប្រតិបត្តិការ សង្គ្រោះ មានការលំបាក ព្រោះថា តំបន់ដែលត្រូវសង្គ្រោះនៅឆ្ងាយៗពីគ្នា។
ព្យុះទីហ្វុងបុប្ផានេះ ដែលមានល្បឿនខ្យល់ ១២០គ.ម ក្នុង១ម៉ោង និង សន្ទុះខ្យល់រហូតដល់ ១៥០គ.មក្នុង១ម៉ោង។
គួរបញ្ជាក់ផងដែរថា ព្យុះសង្ឃរា ឈ្មោះបុប្ផា បានវាយប្រហារប្រទេស ហ្វីលីពីន នៅព្រឹកថ្ងៃអង្គារ ទី០៤ ខែធ្នូ បង្កឲ្យមានភ្លៀងធ្លាក់ខ្លាំង និងសន្ទុះខ្យល់បោកបក់ ក្នុងល្បឿន ២១០គីឡូម៉ែត្រ ក្នុងមួយម៉ោង បណ្តាលឲ្យមាន ការ រអិលបាក់ដី នៅតំបន់ មីនដាណាវ ខណៈដែលប្រជាជនជាង ៤០.០០០នាក់ ផ្លាស់ប្តូរលំនៅ ខណៈព្យុះនេះវាយ ប្រហារភាគខាងត្បូងហ្វីលីពីន៕
មតិយោបល់