ស្វាកន្ទុយស ( ឈ្មោះវិទ្យាសាស្ត្រ: Pygathrix nigripes ) ជាអំបូរស្វាដែលកំពុងរងការវិនាស ដែលមានរស់នៅក្នុងព្រៃនាប្រទេសវៀតណាម និង កម្ពុជា។ ស្វាអំបូរនេះ មានអំបូរស្វាដែលមានលក្ខណៈពិសេសត្រង់មានមុខធំពណ៌ខៀវប្រផេះ។[៣] របាយការណ៍ថ្មីៗដោយអង្គការសង្គមអភិរក្សជីវិតសត្វព្រៃ (Wildlife Conservation Society) បានប៉ាន់ស្មានថា មានស្វាកន្ទុយសប្រមាណជាង ៤២០០០ ក្បាលកំពុងរស់នៅក្នុង តំបន់អភិរក្សជីវៈចម្រុះកែវសីមា។ មុនរបកគំហើញនៅតំបន់អភិរក្សជីវៈចម្រុះកែវសីមាចុងក្រោយនេះ គេមានជំនឿថា ស្វាអំបូរនេះមានច្រើនជាងគេនៅប្រទេសវៀតណាម ដែលនៅទីនោះស្វាកន្ទុយសមានចំនួន ៦០០ក្បាល។ គេមិនទាន់ដឹងអំពីចំនួនស្វាកន្ទុយសសរុបនៅឡើយទេ៕
មតិយោបល់