បន្ទាយមានជ័យ ៖ស្ពានផ្លូវដែកទ្រុឌទ្រោមប្រវែង៤៥ម៉ែត្របន្សល់ទុកពីសម័យអានានិគមបារាំង ត្រង់ចំនុចច្រកទ្វារអន្តរជាតិប៉ោយប៉ែតខេត្តបន្ទាយមានជ័យត្រូវបាន រដ្ឋាភិបាលថៃ ដែល ចំណាយទឹកប្រាក់ប្រមាណជាង២៩លានបាតសាងសងស្ពានផ្លូវដែកឆ្លងព្រំដែនកម្ពុជា ថៃជំនួសនេះ ។ ភាគីនៃប្រទេសទាំងពីររួមគ្នាបើកការដ្ឋានសាងសង់ស្តារឡើងវិញក្រោមអធិបតីឯកឧត្តម អ៊ួន សុង អនុរដ្ឋលេខាធិការក្រសួងសាធារណះការនិងដឹកជញ្ជូន និងលោក ជំទាវ សយធិប ទ្រីស៊ួអាហ៊ី អគ្គលេខាធិការអចិន្ត្រៃយ៍ក្រសួងដឹកជញ្ជូននៃព្រះរាជាណាចក្រថៃឡងនៅព្រឹកថ្ងៃទី២៥ខែកក្កដាឆ្នាំ២០១៤។
លោក គោ ស៊ុមសារឿត អភិបាលខេត្តបន្ទាយមានជ័យ បានមានប្រសាសន៍ថា ស្ពានផ្លូវដែកដែលនឹងត្រូវបើកការដ្ឋានមានប្រវែង ៤៥ម៉ែត្រ ជំនួសស្ពានដែកចាស់ទ្រុឌទ្រោមដែលបន្សល់សម័យបារាំងស្ថាបនាក្នុងអំឡុងឆ្នាំ១៩៣៣-១៩៤២។លោកបានបញ្ជាក់ផងដែរថាស្ពានដែកនេះបានចំនាយរយះពេលសាងសង់៥ទៅ៦ខែប្រភេទស្ពានដែកTអាចផ្ទុកបាន២០តោនប្រើដែករ៉ៃ ១០០Bs សាងសង់ដោយអគ្គនាយកដ្ឋានផ្លូវដែករដ្ឋថៃដោយចំណាយទឹកប្រាក់២៩លានបាតជាហិរញ្ញប្បទានរដ្ឋាភិបាលថៃ។
លោក អ៊ួន សុន អនុរដ្ឋលេខាក្រសួងសាធារណការដឹកជញ្ជូនបានលើកឡើងថា ស្ពានចាស់ជាប្រភេទស្ពានដែក T2 ប្រវែង១៧,៦០ម៉ែត្រខាងកម្ពុជា ទំងន់ផ្ទុក១៥តោន axload ប្រើដែករ៉ៃ៣០គីឡូក្រាមក្នុង១ម៉ែត្រធ្វើចរាចររហូតដល់ឆ្នាំ១៩៧៣ក្រោយឆ្នាំ១៩៧៣មិនមានចរាចរដឹកជញ្ជូនទំនិញឆ្លងដែនទេកំណាត់ផ្លូវដែកសិរីសោភណ័-ប៉ោយប៉ែតត្រូវបានខូចខាតក្នុងចន្លោះឆ្នាំ១៩៩១-១៩៩៣ដែលកាលពីចរាចរបានស្ពានផ្លូវដែកនេះមានទំនិញប្រភេទកសិឧស្សាហកម្មនិងអ្នកដំណើរ។
បន្ទាប់ពីស្ពានសាងសង់រួចវានិងជួយសំរួលបន្ថែមដល់ការដឹកជញ្ជូនកសិផល កសិឧស្សាហកម្ម ពាណិជ្ជកម្ម វិស័យទេសចរណ៍ ជាពិសេសរួមចំណែកជំរុញល្បឿននៃការអភិវឌ្ឍន៍ជាតិនិងកាត់បន្ថយភាពក្រីក្រ ទុក្ខលំបាករបស់ប្រជាពលរដ្ឋ។ហើយវាក៏ជាការពង្រឹងចំណងមិត្តភាពនៃប្រទេសទាំងពីរកម្ពុជា ថៃបន្ថែមទៀតនឹងក៏បំរើផលប្រយោជន៍រួមផងដែរ៕
មតិយោបល់