(កាប៊ុល)៖ សកម្មជនប្រយុទ្ធ ៦នាក់ត្រូវបានសម្លាប់ និង ៩នាកផ្សេងទៀតត្រូវបានចាប់ខ្លួន នៅក្នុងប្រតិបត្តិការយោធា ២៤ម៉ោងមួយនៅក្នុងប្រទេសអាហ្វហ្គានីស្ថាន។
យោងតាមទីភ្នាក់ងារសារព័ត៌ចិន ស៊ិនហូ ចុះផ្សាយនៅថ្ងៃទី ២៥ខែធ្នូ ឆ្នាំ ២០១២ នេះ បានឲ្យដឹងថា ប៉ូលិស ទាហាន និងកងកម្លាំងរបស់អង្គការណាតូ បានចេញប្រតិបត្តិការសម្អាត់ទៅលើក្រុមបះបោរចំនួន ៦កន្លែងនៅក្នុងប្រទេសអាហ្វហ្គានីស្ថាន ដែលក្រោយពីប្រតិបត្តិការ ២៤ម៉ោងរួម សកម្មជនប្រយុទ្ធចំនួន ៦នាក់បានត្រូវសម្លាប់ និង៩នាក់ត្រូវបានឃុំឃាំង។ នេះបើយោងតាមសម្ដីមន្ដ្រីរបស់ក្រសួងមហាផ្ទៃរបស់អាហ្វហ្គានីស្ថាន ថ្លែងឲ្យដឹងនៅព្រឹកថ្ងៃនេះ។
នៅក្នុងសេចក្ដីថ្លែងការណ៍បានឲ្យដឹងបន្ថែមទៀតថា ប្រតិបត្តិការនេះ បានរឹបអូសយកនូវអាយុជាច្រើនព្រមទាំងមានអាភៀនចំនួន ៩០០គីឡូក្រាមទៀតផង។
គួរបញ្ជាក់ផងដែរថា ចាប់តាំងពីថ្ងៃទី ១ខែធ្នូមកដល់ពេលនេះ មានសកម្មជនប្រយុទ្ធចំនួន ៨០នាក់បានស្លាប់ និង ១៤៣នាក់ទៀតឃុំខ្លួន៕
មតិយោបល់