នៅថ្ងៃ សៅរ៍ ទី ២៩ ខែ ធ្នូ ឆ្នាំ ២០១២ ស្អែកនេះនៅសង្វៀនប៉ុស្តិលេខ ៥ ដែលធ្វើការប្រកួតនៅ លើទីលាន Beeline Arena ត្រើយខាងកើត ស្ពានជ្រោយចង្វារ មានគូរសំខាន់ កីឡាករ ជ័យ កុសល ដែលជាអ្នកប្រដាល់ពូកែប្រើកែងក្នុងការផ្តួលគូប្រកួត ហើយក៏ជា កីឡាករមកពី ក្លឹបសឹង្ហៈកីឡាត្រូវប្រកួតជាមួយអ្នកប្រដាល់ថៃ Det Suriya ក្នុងប្រភេទទម្ងន់ ៧០ គីឡូក្រាម។ Det Suriyaមានប្រវត្តិប្រកួត ៥៥ ដង ឈ្នះ ៣០ ដង ចាញ់ ១៥ ដង ស្មើ ១០ ដង និងធ្លាប់ផ្តួលគូប្រកួតសន្លប់ ៥ ដង។ ឯ ជ័យ កុសល វិញក៏មិនណយតាឡើយ ។
ជ័យ កុសល ជាអ្នកប្រដាល់ចាស់មែនតែនៅល្អ ទាំងប្រើកណ្តាប់ដៃ និងស្នៀតកែងដោយប្រើចំៗគោលដៅ ដើម្បិយកជ័យជម្នះ។ រំឭកកាលពី កីឡាករជ័យ កុសល ប្រកួតជាមួយ កែវ រំចង់ កន្លងមកនេះ ក៏បានធ្វើឲ្យសង្វៀនបឹងស្នោរ ពោរពេញទៅដោយសម្លេងអឺងកងដែរ តែចៃដន្យអាក្រក់គឺចាញ់ដោយពិន្ទុ ទាំង ឈាមដាប រៀងៗខ្លួនៗ៕
ចំណែក នៅនៅថ្ងៃជាមួយនឹងគ្នានេះដែរ កីឡាករ ឡៅ ស៊ីណាត មកពីក្លឹបកងពលតូចឆ័ត្រយោង ៩១១ ជួបជាមួយអ្នកប្រដាល់ជនជាតិថៃ Phet Phimarn ក្នុងប្រភេទទម្ងន់ ៦៩ គីឡូក្រាម។ខណៈដែល ប៊ឺត ខាំ មកពីក្លឹបសាលវ័ន្តកីឡា សាកកណ្តាប់ដៃជាមួយ អ្នកប្រដាល់ ជនជាតិ អាល្លឺម៉ង់ Martin Burklerk៕
មតិយោបល់