​កីឡាករ​វា​យតិ​ន្នី​ស សញ្ជាតិ​អេ​ស្ប៉ា​ញ Nicolas Almagro បាន​បំបាក់ Janko Tipsarevic ដោយ​ពិន្ទុ 2-1 ពោល​គ្រាប់​បាល់ 2-6 7-6 (7-3) និង​6-2 ដើម្បី​ជា​ជំហាន​ឈាន​ចូល​វគ្គ​ផ្តាច់ព្រ័ត្រ នៃ​កម្មវិធី Mubadala Tennis Championships​។​

​រយៈពេល ៣ ថ្ងៃ កន្លង​មក​ហើយ​ដែល​កីឡាករ​រូបនេះ​ជំនួស​តំណែង​ជើង​ខ្លាំង លេខ ៤ ពិភពលោក កីឡាករ Rafael Nadal​ដែល​ធ្វើឡើង​នៅ Mubadala Tennis Championships​នេះ Nicolas Almagro ក៏​នឹង​ឡើង​ទៅ​ជួប​មុខ​កីឡាករ Novak Djokovic​នៃ​វគ្គ​ផ្តាច់ព្រ័ត្រ នៃ​ការតាំង​បង្ហាញ​ទម្រង់​លេង​នេះ នៅ Abu Dhabi​។​

​ការចាប់ផ្តើម​ដំបូង កីឡាករ Nicolas Almagro បាន​បាក់​ទឹកចិត្ត​ទៅហើយ ដោយ​ចាញ់ 6-2 នោះ​ស្ទើរតែ​និយាយ​ពាក្យ​ថា​បាយ​បាយ​តែ សិតទី ២ ឈាន​ចូល​មក​ដល់ ក៏​រើខ្លួន​ពី​ការគាប់សង្កត់​នេះ ដោយ​តបត​វិញ រហូតដល់​ទៅ ២ ផ្ទួនៗ ដោយ ១ សិត​នោះ​ទាំង គ្រាប់​បាល់​ឈ្នះ​ប្រផិតប្រផើយ​។

​ដូចគ្នានេះដែរ Novak Djokovic​នឹង​ត្រូវ​ជួប​កីឡាក​រអេ​ស្ប៉ាញ​រូប​នេះ​នៅ​វគ្គ​ផ្តាច់ព្រ័ត្រ នា​ថ្ងៃ សៅរ៍​នេះ​តែម្តង​បន្ទាប់ពី​គាត់​បាន​ទំលាក់ David Ferrer ដោយ​ពិន្ទុ 2-0 ពោល​គ្រាប់​បាល់ 6-0 និង 6-3​ក្នុង​វគ្គ​ពាក់កណ្តាល​ផ្តាច់ព្រ័ត្រ​នោះ៕