កាលពីថ្ងៃទី ២២ខែមករា ឆ្នាំ ២០១៣ កន្លងទៅនេះ ក្រុមហ៊ុនយក្ស Google បានប្រកាសបង្ហាញពីរបាយការណ៍ហិរញ្ញាវត្ថុសម្រាប់ត្រីមាសទី៤ ឆ្នាំ ២០១២។
លោក Larry Page នាយកប្រតិបត្តិក្រុមហ៊ុន Google បានថ្លែងថា ប្រាក់ចំណូលរបស់ ក្រុមហ៊ុន Google នៅក្នុងត្រីមាសទី៤ ឆ្នាំ ២០១២ បានកើនឡើង ៣៦% បើធៀបនឹងឆ្នាំ ២០១២ ហើយបើធៀបនឹងត្រីមាសទី៣ ឆ្នាំ ២០១២ បានកើនឡើង ៨%។
ប្រាក់ចំណូលសរុបរបស់ក្រុមហ៊ុន Google បានកើនឡើងរហូតដល់ទៅ $50ពាន់លានដុល្លារ ដែលនេះជាប្រវត្តិសាស្ដ្ររបស់ Google ក្នុងរយៈពេល ១៥ឆ្នាំចុងក្រោយ។ បន្ថែមលើនេះ Google បានបង្ហាញឲ្យឃើញថា ប្រាក់ចំណូលនៅក្នុងត្រីមាសទី៤ មានចំនួន $14,42ពាន់លានដុល្លារ ហើយប្រាក់ចំណូលដែលមកពីការផ្សព្វផ្សាយពាណិជ្ជកម្មមានចំនួន 3,08ពាន់លានដុល្លារ។
ឆ្លៀតក្នុងឱកាសបង្ហាញរបាយការណ៍ហិរញ្ញាវត្ថុនេះ លោក Larry Page ក៏បានលើកយកពីភាពជោគជ័យជាមួយនឹង Tablet និងស្មាតហ្វូនត្រកូល Nexus ផងដែរ ហើយបន្តទៅមុខទៀតនេះ Google ក៏ត្រូវការដៃវិនិយោគសម្រាប់ធ្វើអ្វីឲ្យប្រសើរជាងនេះ៕
មតិយោបល់