កាលពីល្ងាចថ្ងៃទី ២៤ ខែ មករា ឆ្នាំ ២០១៣ ម្សិលមិញនៅទីលាន Beeline Arean មានព្រឹត្តិការណ៍ប្រកួតប្រដាល់អន្តរជាតិ ដែលរៀបចំឡើង និង ផ្សាយបន្តផ្ទាល់ពីស្ថានីយ៍ទូរទសស្សន៍ប៉ុស្តិ៍លេខ ៥ ។
ក្នុងនោះមានកីឡាករវ៉ាន់ ចាន់វៃ កីឡាករ ឡុង សុភី កីឡាករវង្ស ណយ និងសេន ប៊ុនថេន ។
វ៉ាន់ ចាន់វៃ ដែលជួបជាមួយនឹង Prammoth វ៉ាន់ ចាន់វៃ មិនអាចផ្តួលគូរប្រកួតឡើយ ទោះបីជាទឹកទី ៥ មានសន្ទុះក្នុងការប្រកួតឡើងវិញ តែលទ្ធផលត្រឹមតែជារឿងខកបំណង ដោយចាញ់ពិន្ទុ កីឡាករថៃ Prammoth។រីឯជើងខ្លាំងដែលមានស្រុកកំណើតនៅបាត់ដំបង រហស្សនាម ជង្គង់ទិព្វ ឡុង សុភី ដែលជាកីឡាករមានមុខមាត់រាល់ការប្រកួតអន្តរជាតិគ្រប់ស្ថានីយ៍ទូរទស្សន៍រូបនេះ មិនបានប្រើជង្គង់របស់ខ្លួនផ្តួលគូរប្រកួតឡើយ ដោយត្រឹមតែធាក់គូរប្រកួតចេញ និងប្រើកណ្តាប់ដៃតែប៉ុណ្ណោះ ក្នុងការប្រកួតជាមួយនឹង Den Soriya ដែលDen Soriyaជើងមុននេះគេស្មើពិន្ទុជាមួយនឹងខ្លាចាស់ ជ័យ កុសល នោះ ។ សម្រាប់ ឡូង សុភី ៥ ទឹក មិនអាចធ្វើឲ្យ Den Soriya សន្លប់ក្រោមជង្គង់របស់ខ្លួនឡើយ ដោយត្រឹមតែស្មើរពិន្ទុ ។ ចំណែកកីឡាករ ជង្គង់ទិព្វ កែង ឆេះ វង្ស ណយ ខ្លួនតូច ចិត្តធំ កែងមុតតាមចិត្ត នោះដែលជួបជាមួយនឹង Namyapa ដែលជាកីឡាកររបស់ថៃ ។គូរប្រកួតទាំងពីរនេះ នៅទឹកទី ១ បានធ្វើឲ្យកក្រើកសង្វៀន Beeline Arena ដោយវង្ស ណយ បានប្រើកែង និងជង្គង់របស់ខ្លួនដែលធ្វើឲ្យ Namyapa រាងស្រងាក់ចិត្ត និងទទួលរងមួយផ្លែកែង របស់ វង្ស ណយ បែកចិញ្ចើមខាងឆ្វេង។ទឹកទី ២ ឈានចូលមកដល់ Namyapa ដែលមានចិត្តសឿង មិនចាញ់វង្ស ណយ បានប្រលែងកែងមួយប្រាវ ជាមួយនឹង វង្ស ណយ ដែលធ្វើឲ្យវង្ស ណយ បែក ផ្នែកខាងឆ្វេងដូចគ្នា ដែលធ្វើឲ្យឈាមហូរកាត់តាមភ្នែក រៀងៗខ្លួន អាជ្ងាកណ្តាលក៏សម្រេចចិត្ត ផ្អាក់គូរប្រកួតនេះ ដោយគ្មាននរណាចាញ់ និងឈ្នះឡើយ ។
មួយគូរចុងក្រោយ ខ្លាចាស់ សេន ប៊ុនថេន ដែលជាជួបជាមួយនឹងកីឡាករបារាំង Carl. Burklerk សេន ប៊ុនថេន បានទាត់ធាក់ និនប្រើកណ្តាប់ដៃខ្លួនលើគូរប្រកួត តែ Carl. Burklerk មិនបណ្តោយឲ្យ សេន ប៊ុនថេន ធ្វើតាមចិត្តឡើយ បានកាប់ចានចំផ្ទៃមុខរបស់សេន ប៊ុនថេន ធ្វើឲ្យសេន ប៊ុនថេន រកកលនឹងសន្លប់ តែមិនថ្វីឡើយ ចិត្តសឿងរបស់ប៊ុនថេន នៅតែអាចបន្តការប្រកួតជាធម្មតា រហូតដល់ទឹកទី ៥ ដែលជាលទ្ធផល សេន ប៊ុនថេន យកឈ្នះ កីឡាករបារាំង ដោយពិន្ទុ៕
មតិយោបល់