កាលពីម្សិលមិញនេះ លោក គីម ជុងអ៊ុន មេដឹកនាំប្រទេសកូរ៉េខាងជើង បានកោះប្រជុំអស់មន្ត្រីការទូត និងមន្ត្រីសន្តិសុខកំពូលៗរបស់ខ្លួន ដើម្បីផ្សព្វផ្សាយនូវវិធានការក្ដៅមួយ។ នេះបើយោងតាមសារព័ត៌មានក្នុងស្រុក។
សញ្ញាណនេះ សឲ្យឃើញថា មេដឹកនាំវ័យក្មេងរូបនេះ ពិតជាមានផែនការគំរាមបាញ់នុយក្លេអ៊ែរ ដើម្បីជាការផ្គើនដល់អង្គការសហប្រជាជាតិ ដែលបានថ្កោលទោសកាលពីថ្មីៗនេះមកលើខ្លួន។
កាលពីសប្ដាហ៍មុន ក្រុមប្រឹក្សាអង្គការសហប្រជាជាតិបានធ្វើការថ្កោលទោសយ៉ាងពេញទំហឹងមកដល់រដ្ឋាភិបាលព្យុងយ៉ាំង ដែលបានបាញ់គ្រាប់រ៉ូបកែតកាលពីខែធ្នូកន្លងទៅ ដែលជាអំពើមួយផ្ទុយពីគោលបំណងរបស់ក្រុមប្រឹក្សាសន្តិសុខ។
បើតាមការឲ្យដឹង កូរ៉េខាងជើងមានសារធាតុភ្លុយតូនីញ៉ូម ដែលអាចផលិតក្បាលគ្រាប់នុយក្លេអ៊ែរបានរហូតដល់ទៅ ៤ឬ៥ ប៉ុន្តែគេនៅមិនទាន់ដឹងថា ក្រុមអ្នកវិទ្យាសាស្ដ្ររបស់ប្រទេសមួយនេះ រកឃើញពីវិធីក្នុងការផលិតហើយឬនៅនោះទេ៕
ប្រភព៖ The Wall Street Journal
មតិយោបល់