ក្រុមហ៊ុន Apple បាន​បញ្ចេញ​នូវ​ប្រព័ន្ធ​ដំណើរការ iOS ជំនាន់​ទី 6 នៅក្នុង​ខែ​កញ្ញា ឆ្នាំ 2012 ហើយ​យើង​កត់សម្គាល់​ឃើញថា ការបញ្ចេញ​របស់ Apple គឺ​មាន​បញ្ហា​ទៅ​លើ​កម្មវិធី Map ដែល​ទើប​បង្កើត​ថ្មី និង​បញ្ហា​មួយចំនួនទៀត រួម​ទាំង​បញ្ហា​មួយ​សម្រាប់​ប្រជាជន​កម្ពុជា គឺ ពាក់​ពន្ធ​ជាមួយនឹង​ពុម្ពអក្សរ​ខ្មែរ ដោយសារ​ពេល​លោក​អ្នក​បើក​វ៉ិ​បសាប ឬ​ឯកសារ​ផ្សេងៗ​ដែល​មាន​អក្សរ​ខ្មែរ នោះ​ទូរស័ព្ទ​នឹង​ដំណើរការ​ខុស​ប្រក្រតី​។​
​សម្រាប់​ថ្ងៃ​នេះ បញ្ហា​មួយចំនួន រួម​ទាំង​បញ្ហា​ពុម្ពអក្សរ​ខែ្មរ​គឺ​ត្រូវបាន​ដោះស្រាយ​ជាមួយ​ការបញ្ចេញ​នូវ​ការ Update ប្រព័ន្ធ​ដំណើរការ​ជំនាន់​ថ្មី គឺ iOS 6.1​។​
​គួរ​បញ្ជាក់​ផង​ដែរ​ថា ប្រព័ន្ធ​ដំណើរការ iOS 6.1 អាច​ធ្វើការ Update ទៅ​លើ​ឧបករណ៍​របស់​ក្រុមហ៊ុន Apple ដែលមាន iPhone 3GS, 4, 4S, iPhone 5 រួមទាំង iPad 2, iPad 3, iPad 4 និង iPad mini ហើយក៏​អាច Update ទៅលើ iPod Touch 4 និង 5 ផងដែរ​៕​