វិទ្យាស្ថាន​ឧស្សាហកម្ម និង​ទ្រព្យសម្បត្តិ​របស់​ប្រេ​ស៊ី​ល បានចេញ​សេចក្ដីសម្រេច​ជា​លើកដំបូង​ថា ក្រុមហ៊ុន Apple អាច​នឹង​ប្រ​ឈរ​មុខ​នឹង​ការបាត់បង់​ស្លាក​សញ្ញា «iPhone» នៅក្នុង​ប្រទេស​ប្រេ​ស៊ី​ល​។​
​នៅពេលនេះ វិទ្យាស្ថាន​ឧស្សាហកម្ម និង​ទ្រព្យសម្បត្តិ ប្រេ​ស៊ី​ល បានចេញ​សេចក្ដី​ជា​ផ្លូវការ​ថា ស្លាក​សញ្ញា «iPhone» ត្រូវប្រគល់​ទៅ​ឲ្យ​ក្រុមហ៊ុន IGB Electronica របស់​ប្រេ​ស៊ី​ល ហើយ Apple គ្មាន​សិទ្ធិ​ក្នុងការ​កាន់កាប់​នោះទេ​។​
​កាលពី​ចុងឆ្នាំ ២០១២ ក្រុមហ៊ុន IGB Electronica បានចេញ​លក់​នូវ​ស្មា​ត​ហ្វូ​ន​មួយ​ឈ្មោះថា «iPhone» ដែល​ប្រើប្រាស់​ប្រព័ន្ធ​ដំណើរការ Android ហើយ​មិន​ខ្លាច Apple ប្ដឹង​នោះទេ​។ ក្រោយពី ក្រុមហ៊ុន IGB Electronica ចេញលក់​មិនបាន​ប៉ុន្មាន Apple ក៏​ចាប់ផ្ដើម​ទាមទារ​សិទ្ធិ​កាន់កាប់ ប៉ុន្តែ​ការទាមទារ​នេះ មិនបាន​សម្រេច​នោះទេ ព្រោះថា ក្រុមហ៊ុន IGB Electronica បាន​ចុះឈ្មោះ ប្រើប្រាស់​ស្លាក​សញ្ញា «iPhone» តាំងពី​ឆ្នាំ ២០០០ មកម្ល៉េះ ពោលគឺ​មុនពេល Apple ចេញលក់ iPhone នៅលើ​ទីផ្សារ ៧​ឆ្នាំ​។​
​គួរបញ្ជាក់​ផងដែរ​ថា ព័ត៌មាន​នេះ នៅ​មិនទាន់មាន​ការឆ្លើយ​បត​ពី​ខាង​ក្រុមហ៊ុន Apple នោះទេ ហើយក៏​មិនទាន់​ដឹងថា ក្រុមហ៊ុន Apple សងលុយ​ដល់ ក្រុមហ៊ុន IGB Electronica ឬមួយ​អត់​ទេ​?
​