ក្រុមហ៊ុនផលិតរថយន្តស្ព័ររបស់អាល្លឺម៉ង់ Porsche បានរាយការណ៍ឲ្យដឹងថា នៅក្នុងខែមករាកន្លងទៅ តួលេខនៃការលក់រថយន្តនៅលើទីផ្សារសកល មានការកើនឡើង ២៥,៥ភាគរយបើធៀបនឹងឆ្នាំកន្លងទៅ។
តួលេខនៃការលក់រថយន្តមានចំនួន ១២.០៦១គ្រឿង ដែលកាលពីឆ្នាំ កន្លងទៅមានត្រឹមតែ ៩.៩១៣គ្រឿង។ ក្រុមហ៊ុន បានឲ្យដឹងទៀតថា ទីផ្សារដែលមានកំណើនខ្ពស់ជាគេគឺនៅ
សហរដ្ឋអាមេរិក ដែលកើនឡើង ៣១,៧ភាគរយ កើនពី ២.៥៥០គ្រឿង មកដល់ ៣.៣៥៨គ្រឿង។
ប្រធានផ្នែកលក់ និងទីផ្សាររបស់ក្រុមហ៊ុនរថយន្តមួយនេះ បានលើកឡើងថា នៅក្នុងឆ្នាំ ២០១៣ នេះ សន្ទុះនៃការលក់រថយន្តរបស់ខ្លួនហាក់ដូចជាកើនឡើងប្លែក ដែលនេះជាសញ្ញាណនាំមកនូវភាពជោគជ័យ។
ក្រុមហ៊ុនបានឲ្យដឹងទៀតថា នៅក្នុងប្រទេសចិន បានកើនឡើង ៣៨,១ភាគរយ ដែលកើនពី ២.២៦១គ្រឿង មកដល់ ៣.១២៣គ្រឿង ខណៈពេលដែលនៅទីផ្សារអឺរ៉ុបកើនឡើង ៩%៕
ព័ត៌មានជាតិ
មតិយោបល់