ស៊ិនហួរ៖ទីក្រុងតេហរ៉ង់បានប្រកាសពីជំហររបស់ខ្លួនក្នុងការតាំងចិត្តបន្តការពិភាក្សាជាមួយនឹងទីភ្នាក់ងារថាមពលអាតូមិកអន្តរជាតិIAEAនិងក្រុមអ្នកឃ្លាំអាវុធនុយក្លេអ៊ែររបស់អង្គការសហប្រជាជាតិរហូតដល់ដំណោះស្រាយណាមួយលើកម្មវិធីនុយក្លេអ៊ែរដ៏ប្រសើរត្រូវបានដាក់ចេញ។នេះជាការឆ្លើយតបទៅនឹងរបាយការណ៏របស់IAEAកាលពីថ្ងៃព្រហស្បតិ៍ទៅលើបញ្ហាអាវុធនុយក្លេអ៊ែររបស់អ៊ីរ៉ង់។
របាយការណ៏របស់IAEAបាននិយាយថាអ៊ីរ៉ង់កំពុងបានចាប់ផ្តើមនូវការដំឡើងនូវឧបករណ៍IR-2mដែលអានផលិតសារធាតុអ៊ុយរ៉ាញ៉ូមជាច្រើនសំរាប់ប្រទេសអ៊ីរ៉ង់។បើទោះបីជាយ៉ាងណាក៏ដោយទីក្រុងតេហរ៉ង់បានចេញមកបដិសេធថាអ៊ុយរាញ៉ូមនឹងទទួលបានតែ5%ប៉ុណ្ណោះក្រោយពីដំណើរការIR-2mហើយ។
បញ្ជាក់ផងដែរថាកាលពីថ្ងៃទី13ខែកុម្ភះកិច្ចប្រជុំរវាងប្រទេសអ៊ីស្លាមមួយនេះជាមួយនឹងIAEAគឺមិនមានលទ្ធផលល្អគាប់ប្រសើរអ្វីនោះទេ៕
មតិយោបល់