បំណុលរបស់គុយបាចំពោះរុស្សីគឺមានចំនួនច្រើនជាង៣០០០០កោដ្ឋទៅទៀត នេះត្រឹមតែ ជាការកត់ត្រាទុកខ្លះៗប៉ុណ្ណោះ សម្រាប់រយៈពេល១០ឆ្នាំ។ នេះបើយោងតាមការបង្ហាញប្រាប់ឲ្យដឹងពីលោក Denis Manturov រដ្ឋមន្ត្រីឧស្សាហកម្ម និងពាណិជ្ជម្មមនៃរុស្សី។ លោកមិនបានបញ្ជាក់ឲ្យច្បាស់ពីចំនួនតួលេខនៃបំណុលដែលនឹងត្រូវលុបចោលនោះទេ ព្រមទាំងធ្វើកំណែទម្រង់រចនាសម្ព័ន្ធ ដែលកំណត់ពីចំនួនដ៏ត្រឹមត្រូវជាក់លាក់មួយ បន្ទាប់ពីការធ្វើសន្ទរកថាក្រោយការអនុញ្ញាត ពីនិតិវិធីដែលជាប់ទាក់ទងរបស់រដ្ឋ។ វាត្រូវបានរំពឹងទុកថាភាគីទាំងពីរនឹងបញ្ចប់គ្រប់បែបបទទាំងអស់មុនខែកញ្ញាឆ្នាំនេះ ជាកិច្ចព្រមព្រៀងចុងក្រោយគួរតែត្រូវបានចុះហត្ថលេខា មុនបំណាច់ឆ្នាំនេះ។ ការចាប់ផ្តើមចំពោះកិច្ចព្រមព្រៀងស្តីពីការកំណត់ប្រាក់បំណុលធ្វើ ឡើងក្នុងកំឡុងពេលការធ្វើទស្សនៈកិច្ចទៅកាន់ រដ្ឋធានី Havana របស់លោកនាយករដ្ឋមន្ត្រីរុស្សី Dmitry Medvedev ព្រមទាំងបានធ្វើការសំណេះសំណាលជាមួយលោក Raul Castro មេដឹកនាំគុយបាផងដែរ។ លើសពីនេះទៅទៀតនោះ ភាគីទាំងសងខាងបាន ចុះហត្ថលេខាលើអនុស្សរណៈនៃកិច្ចសហប្រតិបត្តិការរវាងប្រទេសទាំងពីរ រួមបញ្ចូលទាំង វិស័យអប់រំ និងការយល់ដឹងអំពី ថាមពលនុយក្លែអ៊ែ ព្រមទាំងបច្ចេកវិទ្យាថ្មីៗ។ អ្នកតំណាងឲ្យប្រទេសទាំងពីរបានចុះហត្ថលេខាលើ កិច្ចព្រមព្រៀងក្នុងការទិញយន្តហោះពីរុស្សី សរុប ៦៥០លានដុល្លា។ ដូច្នេះ គុយបាអាចទទួល បាននូវយន្តហោះពីរុស្សីគឺម៉ូដែល AN-158 ចំនួន៣គ្រឿង ម៉ូដែល IL-96-400 ចំនួន៣គ្រឿង និង Tu-204SN ចំនួន២គ្រឿង។ ចំពោះ AN-158 គឺរំពឹងនឹងទៅដល់គុយបាក្នុងឆ្នាំ២០១៣។ ក្នុងអំឡុងពេលកន្លងទៅ ទីក្រុងមូស្កូ បានយល់ព្រម លុបចោលនូវបំណុលពីអាហ្គានីស្ថាន ចំនួន ១២០០០កោដ្ឋ និង កនុងឆ្នាំ២០១២ ចំនួន ១១ ០០០ កោដ្ឋ ពីសាធារណរដ្ឋកូរ៉េ៕
ព័ត៌មានជាតិ
មតិយោបល់