Firefox OS ជាប្រព័ន្ធដំណើរការទូរស័ព្ទថ្មី របស់ក្រុមហ៊ុន Mozilla ដែលកាលពីថ្ងៃអាទិត្យកន្លងទៅនេះ ក្រុមហ៊ុន Mozilla បានធ្វើបទបង្ហាញពីប្រព័ន្ធដំណើរការមួយនេះនៅក្នុងព្រឹត្តិការណ៍សមាជទូរស័ព្ទពិភពលោក MWC 2013។
យោងតាមសម្ដីរបស់នាយកប្រតិបត្តិក្រុមហ៊ុនមួយនេះបានឲ្យដឹងថា បច្ចុប្បន្នមានក្រុមហ៊ុនទូរស័ព្ទចំនួន ៤គឺ LG, Huawei, Alcatel និង ZTE ដែលបានសហការជាមួយក្នុងការបង្កើតស្មាតហ្វូនដែលប្រើប្រាស់ប្រព័ន្ធដំណើរការ Firefox OS។
ក្រុមហ៊ុនក៏បានប្រកាសឲ្យដឹងបន្ថែមទៀតថាស្មាតហ្វូនដែលប្រើប្រាស់ Firefox OS នឹងមានលក់នៅក្នុងប្រទេសប្រេស៊ីល កូឡុំប៊ី ហុងគ្រី ម៉ិកស៊ិក ម៉ុងតេណេហ្គ្រោ ប៉ូឡូញ សឺប៊ី អេស្ប៉ាញ និង វ៉េណេស៊ូអេឡា ដែលក្នុងនោះមានក្រុមហ៊ុនដែលផ្ដល់សេវាកម្មប្រព័ន្ធទូរស័ព្ទចំនួន ១៧ក្រុមហ៊ុនបានសហការ។
អតិថិជនដែលប្រើប្រាស់ស្មាតហ្វូន Firefox OS ទាំងអស់អាចស្វែងរកកម្មវិធីសម្រាប់ប្រព័ន្ធដំណើរការមួយនេះនៅលើ Firefox Marketplace ដែលមានកម្មវិធីជាច្រើនសម្រាប់ការកម្សាន្តនិងចែករំលែក៕
មតិយោបល់