អាឡឺម៉ង់: ក្រុមហ៊ុនផលិតរថយន្តរបស់ប្រទេសអាឡឺម៉ង់ដ៏ល្បីល្បាញAudi AGបានបិទផ្សាយនូវតួលេខនៃចំនួនផលិតកម្ម ការដឹកជញ្ជូនតាមនាវា ប្រាក់ចំនេញនិងប្រាក់ចំនូលដែលខ្លួនបានទទួលយ៉ាងច្រើនបើទោះជាវិបត្តិបំណុលដែលកំពុងកើតមាននូវស្ទើរគ្រប់ទីកន្លែងក្នុងតំបន់អ៊ឺរ៉ុបក៏ដោយ។
នៅក្នុងរបាយការណ៍ហិរញ្ញវត្ថុរបស់Audiនាឆ្នាំទៅបានបញ្ជាក់ថា1,45លានគ្រឿងបានលក់ដាច់អស់ពីឃ្លាំងហើយដែលទទួលបានប្រាក់ចំនេញប្រមាណ48,8កោដលុយអ៊ឺរ៉ូ ដែលតាមអ្វីដែលលោកRupert Stadlerអគ្គនាយកនៃគណះគ្រប់គ្រងរបស់ក្រុមហ៊ុនAudi AGបានមានប្រសាសន៍កាលពីថ្ងៃអង្គារម្សិលមិញនាសន្និសីទកាសែតប្រចាំឆ្នាំរបស់ក្រុមហ៊ុនដែលមានអ្នកកាសែតអន្តរជាតិចូលរួមប្រហែលជា300នាក់។
លោកStadlerបាននិយាយទៀតថាក្នុងឆ្នាំ2013នេះក្រុមហ៊ុនបានប្រកាសពីជំហនិងការតាំងចិត្តខ្លាំងក្នុងការបន្តបន្ថែមអតិថិជនថែមទៀតដោយក្រុមហ៊ុនចំណុះរបស់ខ្លួនដ៏ធំនោះគឺVolkswagenមានគំរោងក្នុងការបន្ថែមបុគ្គលិកពេញសិទ្ធដល់ទៅ1500នាក់និងបុគ្គលិកហាត់ការប្រមាណជា700នាក់ទៀត ហើយនាក្នុងរយះពេលបីឆ្នាំបន្ទាប់ក្រុមហ៊ុនក៏មានគម្រោងនឹងធ្វើការបណ្តាក់ទុនដ៏ធំជាប្រវត្តិសាស្ត្រដែលមានទឹកដល់ទៅ11កោដអ៊ឺរ៉ូផងដែរ៕
ព័ត៌មានជាតិ
មតិយោបល់