ថ្ងៃនេះដែរ មុខម្ហូប ឆាខាត់ណាត្រីប្រាសំយ៉ុងហាក់ដូចជាប្លែកបន្តិច តែអាចនិយាយថា មានស្រ្តីមេផ្ទះមួយចំនួនក៏បានដឹងដែរ ថាម្ហូបនេះធ្វើយ៉ាងម៉េច និងមានរសជាតិយ៉ាងម៉េចនោះដែរ។តែមន្ទិលសង្ស័យនៃរស់ជាតិ ជាមួយនឹងម្ហូបនេះត្រូវបានដោះស្រាយដូចខាងក្រោមនេះ៖
គ្រឿងផ្សំ
ខាត់ណា កន្លះ គីឡ
ត្រីប្រាសំយ៉ុង ៣ខាំ
ស្ករត្នោត ១ស្លាបព្រាបាយ
ទឹកត្រី ១ស.ប
ម្សៅស៊ុបខ្នរ ១ស.ប
ប្រេងឆា ២ស.ប
ខ្ទឹមចិញ្ច្រាំ ១ស.ប
ន្ទេសក្រៀមដៃនាង ២-៣ផ្លែ
របៀបធ្វើ:
ដាក់ប្រេងឆាក្នុងខ្ទះអោយក្ដៅ រួចបំពងខ្ទឹម និងម្ទេសក្រៀមដៃនាងឲ្យឈ្ងុយ រួចដាក់ត្រីប្រាសំយ៉ុងដែលហាន់តូចៗ បន្ថែមស្ករត្នោត ទឹកត្រី និងម្សៅស៊ុបចូល រួចហើយ ដាក់គល់ខាត់ណា កូរអោយសព្វ និង ចាក់ទឹកបន្តិចចូល ភ្លក់មើលតាមចំណូលចិត្ត និងចុងក្រោយដាក់ស្លឹកខាត់ណា កូរអោយសព្វ រួចដួសដាក់ចានជាការស្រេច៕
មតិយោបល់