​អេ​ស្ប៉ាញ​៖​ខ្សែ​ប្រយុទ្ធ ក្លិប Bacelona កីឡាករ Lionel Messi បាន​ទ​ទូល​ស្គាល់​ថា រដូវ​កាល​កន្លង​ទៅ មិនមែន​ជា​លទ្ធផល​ដ៏​ល្អ​សម្រាប់​កាតា​ឡេន ដែល​បញ្ចប់​ដោយ​សូម្បី​តែ​ពាន​មួយ​ក៏​គ្មាន​ដែរ​។​
​លទ្ធផល​ដែល​ធ្វើឲ្យ Bacelona កាន់តែ​ឈឺចាប់​បំផុត​នោះ គឺ​លទ្ធផល​ស្មើ ១-១ ជាមួយនឹង Atletico Madrid កាលពី​ថ្ងៃ​សៅរ៍ ដោយ​មិន​បាន​លើ​កពាន La Liga ។​
​កីឡាករ Messi បាន​ប្រាប់​ដល់ Mundo Deportivo ថា “​វា​ជា​ឆ្នាំ​ដ៏​លំបាក ហើយ​វា​មិន​ល្អ​សម្រាប់​ខ្ញុំ​ឡើយ រួម​ទាំង​ក្លិប​ផងដែរ​” ។​

​ទន្ទឹម​ជាមួយនឹង​គ្នា​នេះ​ដែរ កីឡាករ​សញ្ជាតិ​អា​ហ្សង់​ទីន រូប​នេះ​ក៏​បាន​ទួញ​សោក​ផងដែរ ដោយ គ្រូបង្វឹក Gerardo ‘Tata’ Martino ត្រូវ​បាន​បណ្តេញចេញ និង​ជួស​ដោយ​លោក Luis Enrique កាលពី​ថ្ងៃ​អង្គារ ដោយ Martino មិន​អាច​ធ្វើឲ្យ​ក្លិប​នេះ​លើកពាន​ណាមួយ​នៅរ​ដូវ​កាល​កន្លង​ទៅ​ថ្មីៗ ។ Messi បានឲ្យដឹងថា គាត់​បាន​ខិតខំ​ប្រឹងប្រែង​អស់ហើយ និង​សម​នឹង​លើក​ពាន La Liga ក៏ប៉ុន្តែ​យើង​ខំ​ដែរ តែ​ធ្វើ​មិនបាន​សម្រេច យើង​ក៏​សោកស្តាយ​គាត់​ដែរ​។​
​សូម​បញ្ជាក់​ផង​ដែរ​ថា Martion បាន​ផ្លាស់​ពី ក្លិប Newell’s Old Boys មក កាន់ Bacelona ទើបតែ បាន ១ រដូវ​កាល​តែប៉ុណ្ណោះ ៕
​