ផែនការចុះចតនៃយានអវកាសរបស់រុស្ស៊ីត្រូវបានផ្អាកដំណើរការបន្ទាប់ពីមានលក្ខណអាកាសធាតុមិនល្អបានគ្របដណ្តប់តំបន់ដែលត្រូវចុះចត បើតាមការនិយាយពីមន្ត្រីម្នាក់កាលពីថ្ងៃម្សិលមិញនេះ។
អ្នកតំណាងនៃក្រុមអ្នកឃ្លាំមើលសុវត្ថិភាពនៃផ្លូវអាកាសរបស់រុស្ស៊ីRosaviatsiaបាននិយាយថាភ្លៀងធ្លាក់ខ្លាំងហើយនៅតែបន្តដែលធ្វើឲ្យពេលវេលានៃការចុះចតត្រូវបានពន្យាពេលពីព្រោះថាវាមានការលំបាកដល់ក្រុមអ្នកចាំជួយសង្គ្រោះក្នុងករណីអាក្រក់ណាមួយកើតឡើង។
ក្រុមអ្នកជួយសង្គ្រោះយន្តហោះ3គ្រឿងឧទ្ធម្ភាគចក្រ14និងរថយន្តដល់ទៅ7គ្រឿង ពួកគេបានទៅដល់កន្លែងចុះចតរួចរាល់អស់ហើយដែលមានទីតាំងនៅត្រង់តំបន់ក្បែរទីក្រុងArkalykជាប់ព្រំប្រទល់នឹងប្រទេសកាហ្សាស្ថាន។
យានអវកាសSoyuz TMA-06Mដែលមានអវកាសយានិកជនជាតិរុស្ស៊ីពីរនាក់និងអាមេរិកម្នាក់នឹងផ្តាច់ខ្លួនពីស្ថានីយអវកាសអន្តរជាតិនៅប្រមាណជាម៉ោង04និង30នាទីក្នុងស្រុករុស្ស៊ីត្រូវជាម៉ោង00:30ម៉ោងសកលហើយគំរោងនឹងចុះចតនៅម៉ោង07:57ម៉ោងក្នុងស្រុករបស់រុស្ស៊ី។
យោងតាមRoscosomosបានបញ្ជាក់ថាការសម្រេចចិត្តថាការផ្អាករឺអត់របស់យានអវកាសSoyuzនឹងត្រូវធ្វើឡើងនៅពេលបន្ទាប់ពីការផ្តាច់ខ្លួនពីស្ថានីយអវកាសបីរឺបួនម៉ោងក្រោយ៕
ព័ត៌មានជាតិ
មតិយោបល់