មូស្គូ: ទីភ្នាក់ងារទីអវកាស Roscosmos ហាក់ដូចជាបានកំណត់គោលដៅថ្មីនៃការស្រាវជ្រាវពិភពអវកាសក្រោយពីបានដាក់សំណួរចោទជាច្រើនពីការគំរាមកំហែងនៃផ្កាយព្រះគ្រោះមកលើផែនដីហើយខ្លួនបាននិយាយទៀតថាការការពារនិងរារាំងគ្រោះមហន្តរាយនេះជាការចំបាច់បំផុត។
អ្នកតំណាងម្នាក់ដែលបាននិយាយឆ្លើយឆ្លងជាមួយនិងសារពត៍មានបាននិយាយថាជាការស្មោះត្រង់គឺមិនទាន់មានហេតុការណ៍ណាអាក្រក់អ្វីឡើយដែលយើងដឹងមុននោះវាគ្រាន់តែពួកគេយើងចង់ដើរមួយជំហានមុនក្នុងការទប់ស្កាត់និងរៀនពីវិធីការពារនៃគ្រោះមហន្តរាយព្រះគ្រោះប៉ុណ្ណោះ។បន្ថែមទៀតថាបើនិយាយពីហេតុការណ៍ធ្លាក់ផ្កាយព្រះគ្រោះក្នុងខែកុម្ភះថ្មីៗនេះដែលធ្វើឲ្យប្រជាជនរុស្សីមានការខ្លាចរអែងយ៉ាងខ្លាំងនោះគឺគ្រាន់តែជាដុំមួយដែលតូចមួយក្នុងចំណោមផ្កាយព្រះគ្រោះធំជាច្រើនទៀត។
ឥឡូវនេះរុស្សីបានប្រើប្រាស់ប្រព័ន្ធត្រួតពិនិត្យនិងព្យាករណ៍ការគំរាមកំហែងនៃផ្កាយព្រះគ្រោះដល់ទៅ 3 កន្លែងផ្សេងគ្នាដែលទីមួយគឺនៅក្រសួងការពារជាតិ ទីពីរនៅបណ្ឌិតសភាវិទ្យាសាស្ត្ររូស្សីនិងទីបីគឺនៅទីភ្នាក់អាវកាស Roscosmos។
រុស្សីបាននិយាយថាវាជាប្រសើរណាស់ប្រសិនបើយើងអាចមាននិងបង្កើតបាននូវប្រព័ន្ធឃ្លាំមើលដំណើរនៃផ្កាយព្រះគ្រោះដ៏មានប្រសិទ្ធភាពមួយឲ្យបានមុនឆ្នាំ 2020 ហើយខ្លួនក៏បានស្នើរសូមឲ្យមានការចូលរួមប្រឹងប្រែងពីប្រទេសដទៃផងដែរព្រោះថាផ្កាយព្រះគ្រោះនិងបង្កគ្រោះថ្នាក់និងការគំរាមកំហែងដល់ពិភពលោកទាំងមូលមិនមែនតែរុស្សីនោះទេ៕
មតិយោបល់