អង្គការសហប្រជាជាតិ:លោក Martin Nesirky អ្នកនាំពាក្រ អង្គការសហប្រជាជាតិបានចេញរបាយការណ៍ថាខ្លួនគ្មានផែនការនឹងដកបុគ្គលិកចេញពីកូរ៉េខាងជើងនោះទេបើទោះជាមានភាពតានតឺងកងកម្លាំងយោធានិងការព្រមានជាច្រើនដងពីកូរ៉េខាងជើងក៏ដោយ។
នៅក្នុងដំណើរទស្សនកិច្ចទៅកាន់អឺរ៉ុបរបស់លោក Nesirky លោកបានថ្លែងសន្ទរកថារយះពេលខ្លីមួយថាបុគ្គលិកយូអិនដែលសល់ទាំងប៉ុន្មាននឹងមិនចាកចេញពីកូរ៉េខាងជើងនោះទេគឺពួកគេត្រូវបន្តធ្វើការងារអភិវឌ្ឍន៍មនុស្សជាតិដដែល។
នាពេលបច្ចុប្បន្នបុគ្គលិកជនជាតិបរទេសដែលបំពេញការងារនៅទីនោះមាន 36 នាក់ហើយប្រជាជនក្នុងស្រុកដែលបានជួយធ្វើការមាន 21 នាក់ដែលពួកគេបំរើការនៅ 7 កន្លែងផ្សេងគ្នាក្នុងប្រទេសកូរ៉េ។
អង្គការសហប្រជាជាតិនៅតែបន្តបើកការប្រជុំរបស់ខ្លួនដែលធ្លាប់ធ្វើរាល់ដងនៅខណះដែលកូរ៉េខាងជើងបានប្រកាសប្រាប់រាល់ស្ថានទូតនិងកុងស៊ុលទាំងឡាយដែលមាននៅក្នុងកូរ៉េត្រូវបន្តចាកចេញពីកូរ៉េខាងជើងឲ្យបានមុនថ្ងៃទី 10 ខែមេសាហើយខ្លួននឹងមិនធានាខុសត្រូវចំពោះគ្រោះថ្នាក់ណាមួយដែលអាចកើតមាននោះទេ៕
មតិយោបល់