វាដូចជាទម្លាប់ទៅហើយដែលឈ្មួញត្រីងៀតឆ្លៀតពង ក្នុងកម្មវិធីបុណ្យជាតិនានា ដោយតម្លើងថ្លៃលើសេវាកម្មដឹកជញ្ជូន របស់ក្រុមហ៊ុនឡានមួយចំនួន នៅទីក្រុងភ្នំពេញ និងតាមបណ្តាខេត្តនានាក្នុងព្រះរាជាណាចក្រកម្ពុជានោះ។
ជាក់ស្តែងនៅក្នុងឆ្នាំនេះដែរ ដែលកៀកនឹងពិធីចូលឆ្នាំខ្មែរ អបអរដល់ទេវតាឆ្នាំម្សាញ់ ហាក់ដូចជាមិនខុសពីឆ្នាំមុនៗប៉ុន្មានឡើយ ដោយខាងក្រុមហ៊ុន ឡានមួយចំនួនបានតំឡើងថ្លៃរថយន្តខុសពីប្រក្រតី ទោះបីជាមានសារាចរពីរាជរដ្ឋាភិបាល និងសាលាក្រុងភ្នំពេញ ឲ្យរក្សាតម្លៃក្នុងកម្រិតមួយក៏ដោយ តែខាងឈ្មួញដែលជាថៅកែក្រុមហ៊ុនមិនបានអើពើនឹងច្បាប់ដែលរដ្ឋបានចែងនោះទេ។
ក្នុងនោះក្រុមហ៊ុនរិទ្ធិ មុនី ត្រេឌីង ដោយធ្វើដំណើរពី ភ្នំពេញទៅកោះកុងជាធម្មតា តម្លៃតែ ៣៥. ០០០ ដោយតម្លើងទៅជា ៤៥ .០០០ រៀល រីឯក្រុមហ៊ុនដឹកជញ្ជូន ភ្នំពេញសូរិយា វិញ ដែលធ្វើដំណើរពីភ្នំពេញទៅកាន់ខេត្ត កំពង់ធំ ឡើងថ្លៃរហូតដល់ទៅ ៣២.០០០ រៀល ដែលតម្លៃធម្មតា ពី ២២.០០០ រៀល ទៅ ២៥.០០០ រៀល ។
អ្នកធ្វើដំណើរម្នាក់ឈ្មោះ សូដា ភេទស្រី ដែលបានទិញសំបុត្រទៅលេងស្វាមីនៅខេត្តកំពង់ធំ បានឲ្យដឹងថា សម្រាប់តម្លៃសំបុត្រដែលឡើងថ្លៃខុសពីប្រក្រតីនេះ ខ្ញុំមិនដឹងធ្វើយ៉ាងម៉េចនោះទេ តែបើយើងមិនទិញជិះវាអត់មានអីទៅ ដោយខាងឈ្មួញតម្លើងថ្លៃតាមអំពើចិត្តយ៉ាងនេះ ដោយមិនខ្វល់សារាចរ ដែលបានចេញប្រកាសនោះ នេះបើតាមសម្តីដែលអ្នកដំណើររូបនេះបានប្រាប់ដល់គេហទំព័រ ដំណឹង។
ដោយឡែកសាលារាជធានីភ្នំពេញបានអំពាវនាវដល់ក្រុមហ៊ុន និងម្ចាស់រថយន្ត ដែលប្រកបអាជីវកម្មដឹកជញ្ជូនអ្នកដំណើ ទាំងអស់កុំឲ្យដំឡើងថ្លៃធ្វើដំណើរក៏ប៉ុន្តែសេចក្ដីអំពាវនាវនោះមិនបានផ្តល់ផលវិជ្ជមានទេ៕
មតិយោបល់