ក្លិប កាំភ្លើងធំបានផ្លាស់ទីទៅកាន់លេខរៀងទី ៣ នៃតារាង Premier League បន្ទាប់ពី ឈ្នះលើទឹកដី Fulham ក្នុងលទ្ធផល 1-0 នៅពហុកីឡដ្ឋានCraven Cottage។
កីឡាករ Steve Sidwell របស់ម្ចាស់ផ្ទះ បានទទួលកាតក្រហម ដើមដើមតង់ទី ១ ពោលគឺនាទី ១២ ដោយបើកបាត លើកីឡាករ Mikel Arteta របស់កាំភ្លើងធំ ដែលធ្វើឲ្យអាជ្ញាកណ្តាលសម្រេចចិត្តដកកាតក្រហមពីហោប៉ៅ តែម្តង។
ទោះបីជា Fulham បាត់បង់កីឡាករមួយរូបមែនពិត តែលើទឹកដីខ្លួន ក្លិបមួយនេះនៅមានឱកាសវាយបកជាញឹកញាប់ តែខ្សែប្រយុទ្ធ របស់ខ្លួនធ្វើមិនបានសម្រេច។ រហូតដល់នាទី ៤៣ កីឡាករ ១១ នាក់ ទល់ នឹង ១០ នាក់ កាំភ្លើងបានបំប៉ោងសំណាញម្ចាស់ផ្ទះ សម្រេចដោយគ្រាប់បាល់បណ្តោះអាសន្ន 1-0 ។
រហូតមកទល់តង់ទី ២ ក្លិបទាំងពីរនៅតែវាយគ្នាយ៉ាងចាស់ដៃជាពិសេស ក្លិប Fulham ដែលជាម្ចាស់ផ្ទះ ខំស្វែងរកគ្រាប់បាល់ឲ្យតាមស្មើ តែមិនមានលទ្ធផលល្អ ទាល់តែសោះ។នៅនាទី ៩០ ចុងតង់ទី ២ ទៅហើយកីឡាករ Giroud របស់ ក្លិបកាំភ្លើងធំ បានធ្វើឲ្យមានកំហុស ដោយត្រូវបានអាជ្ញាកណ្តាលបណ្តេញចេញពីទីលានប្រកួតដូចគ្នា ដោយសល់ តែ ១០ នាក់ទល់នឹង ១០ នាក់ ។ទោះជាម៉ោង បន្ថែម នៅសល់ប៉ុន្មាននាទី ក៏ដោយ តែ Fulham នៅតែមិនអាចធ្វើបានសម្រេចឡើយ ដោយត្រឹមចាញ់ ក្លិប កាំភ្លើង 1-0 លើទឹកដីខ្លួន។
គួរបញ្ជាក់ផងដែរថា ក្លិបកាំភ្លើងធំ នឹងត្រូវធ្វើជាម្ចាស់ផ្ទះទទួលភ្លៀវបិសាចក្រហម នៅថ្ងៃទី ២៨ ខែ មេសា ឆ្នាំ ២០១៣ វេលាម៉ោង ១៦ និង ០០ នាទី ត្រូវនឹងម៉ោងនៅកម្ពុជា ១១ និង ០០ នាទី ។ សម្រាប់ កាំភ្លើងធំ លេខ ៣ ក្នុងតារាង មាន ៦៣ ពិន្ទុ និង Fulham មាន ៤០ ពិន្ទុ ស្ថិតនៅលំដាប់តារាងទី ១១៕
https://i1272.photobucket.com/albums/y389/domneng/_67132981_per_zps614bb597.jpg
https://i1272.photobucket.com/albums/y389/domneng/994178-16169035-640-360_zpsa7c9fdb8.jpg
https://i1272.photobucket.com/albums/y389/domneng/Arsenal-v-Stoke-City–Premier-League-1571487_zps4871927b.jpg
មតិយោបល់