ខេត្តកណ្តាល ៖ រថយន្តកុងតឺន័រ២គ្រឿងបានបើកបុកគ្នាពេញទំហឹងហើយជ្រុលទៅបុកផ្ទះប្រជាពលរដ្ឋ២ខ្នងទៀត កាលពីវេលាម៉ោង១ និង៣០នាទីរំលងអធ្រាត្រឈានចូលថ្ងៃទី៩ ឧសភា ២០១៤ លើកំណាត់ផ្លូវជាតិលេខ១ ស្ថិតក្នុងភូមិដីឥដ្ឋកោះផុស ឃុំដីឥដ្ឋ ស្រុកកៀនស្វាយ បណ្តាលឱ្យមនុស្ស៣នាក់របួសធ្ងន់ និងស្រាល។
លោកហង្ស ផាណារ៉ា នាយផ្នែកប៉ូលិសចរាចរស្រុកកៀនស្វាយបានឱ្យដឹងថា៖ មុនពេលកើតហេតុ គេឃើញរថយន្តកុងតឺន័រមួយគ្រឿងពណ៌លឿង ពាក់ស្លាកលេខ3A-1572 ធ្វើដំណើរពីភ្នំពេញឆ្ពោះទៅអ្នកលឿង ខណៈមកដល់ចំណុចកើតហេតុខាងលើមិនដឹងយ៉ាងម៉េចបានជ្រុលទៅបុករថយន្តកុងតឺន័រមួយគ្រឿងទៀតពាក់ស្លាកលេខ3A-6258 ដែលបើកបញ្ច្រាសទិស
គ្នា ហើយរថយន្តកុងតឺន័រពណ៌លឿងមិនទាន់អស់ល្បឿនក៏ជ្រុលទៅបុកលំនៅឋានរបស់ប្រជាពលរដ្ឋចំនួន២ខ្នងទៀតបណ្តាលឱ្យមនុស្សម្នាក់របួសធ្ងន់ និង២នាក់ទៀតរបួសស្រាល៕
មតិយោបល់