លើលោកសន្និវាសនេះ យើងមិនបានដឹងថាលទ្ធផលអាក្រក់កើតឡើងចំពោះយើងនៅពេលណាដែរ តែអ្វីដែលធ្វើឲ្យយើងព្រួយភ័យនោះគឺខ្លាចណាស់ប៉ះចំរបស់ដែលជាកម្មសិទ្ធរបស់គេដែលជាចំណុចមួយធ្វើឲ្យមនុស្សម្នាក់ៗមានអារម្មណ៍ថាខកប្រាណ។
បើនិយាយរឿងស្នេហាវិញ វាជារឿងមួយកាន់តែពិបាក់យល់តែមែនទែន ខណៈដែលមនុស្សលូកដៃលប៉ះនិងមនុស្សម្នាក់មានកម្មសិទ្ធ គ្រប់គ្រង ពោលគឺស្នេហាមួយដែលកើតឡើងប៉ះចំមនុស្សដែលមានអ្នកគ្រប់។រឿងដ៏សែនវិប្បយោគមួយនេះ វាបានកើតចំពោះរូបខ្ញុំដែលមានឈ្មោះថា លី រចនា រស់នៅក្នុងទីក្រុង ភ្នំពេញ ដែលនឹងបង្ហាញដំណើរនៃដើមទងរឿងមួយនេះ មានដូចខាងក្រោមនេះ៖
https://i1272.photobucket.com/albums/y389/domneng/fall-love_zpsb36af53d.jpg
រឿងដែលកប់ក្នុងប្រអប់ចិត្តដែលពោរពេញទៅដោយទុក្ខសោកនេះ វាសមល្មម និងកកាយបើកបង្ហាញចំពោះរឿងអាម៉ាសខ្លួនដែលស្រលាញ់មនុស្សម្នាក់ ដោយមិនបានស៊ើបពីប្រវត្តិនាងឲ្យបានច្បាស់ជាមុន ដោយឃើញភ្លែតស្រលាញ់ភ្លាម ដែលគេហៅថាជាស្នេហាភ្លើងចំបើងនោះ ដែលត្រូវឆេះតាមខ្យល់តែ មួយប៉ព្រិចភ្នែក ដោយសល់តែផេះផង់ ខ្មៅផ្តល់ស្នាក់ស្នាមដល់ដួងចិត្តដែលទើប និងស្គាល់ស្នេហាជាអ្វី។ចៃដន្យណាស់ ថ្ងៃមួយខ្ញុំបានស្គាល់នាងតាមរយៈ មិត្តភក្តិរបស់នាង មិនបាច់និយាយថាមិត្តភក្តិរបស់នាងត្រូវជាស្អីនិងខ្ញុំ នោះទេ សម្រាប់អ្នកដែលបានអានអត្ថបទមួយនេះ ជាក់ជាដឹងមិនខាន ។ក្នុងចំណោមមិត្តភក្តិរបស់នាងដែលដើរលេងនៅតំបន់កម្សាន្តកោះដាច់ជាមនុស្សម្នាក់ដែលមានសម្រស់ស្អាតលើសគេ តែខ្ញុំបានត្រឹមតែយកកែវភ្នែកសម្លឹងមើលមិនដាច់ពីភ្នែក ដោយមិនបានសាកសួរថានាង ធ្វើអ្វី និងមានសង្សារហើយឬនៅ? ចំណុចមួយនេះហើយដែលខ្ញុំប្រមាថខ្លួនឯងថាពិតជាល្ងីល្ញើរពកថ្ងាស់ណាស់ ក្រោយមកទៀតខ្ញុំចេះតែភ្លេចសួរពីមិត្តភក្តិរបស់នាង ថាប្រវត្តិនាងយ៉ាងម៉េចនោះ ព្រោះអីរឿងមួយនេះ ខ្ញុំ និងនាង មិនបានបង្ហាញកាយវិកាថាយ៉ាងម៉េចនោះទេ ចំពោះមុខមិត្តភក្តិនាង ដោយធ្វើជាធម្មតា ស្របពេលដែលយើងបានស្រលាញ់គ្នាហើយនោះ ។
ស្នេហាមួយដែលមិនដឹងប្រវត្តិឲ្យបានច្បាស់នេះ ចេះតែលូតលាស់ទៅមុខជាលំដាប់ ពីមួយថ្ងៃទៅមួយថ្ងៃ ធំធាត់ទៅ ៗ ហាក់បីដូចជាជ្រូកស៊ីបាយស្រាសម្ងំដេក រងចាំគេកាប់យកសាច់។
តែមិនយូរប៉ុន្មានរឿរ៉ាវ ដែលលួចលាក់ស្នេហានេះ បានបែកធ្លាយ ដឹងដល់ប្តីរបស់នាង ដែលធ្វើឲ្យខ្ញុំ ភ្ញាក់ខ្លួនព្រឺត ព្រឺក្បាលខ្ញាក់ រកកលនឹងគ្រុន ដោយមិននឹកស្មានថា សង្សារខ្ញុំជាមានប្តីទៅហើយ និយាយឲ្យចំគឺប្រពន្ធគេ ។ ខ្ញុំមិនដែលនឹកប៉ង់ថា ស្រលាញ់ប្រពន្ធ គេម្តងណាឡើយ ពិតជាភ្លើណាស់ខ្ញុំ ដែលស្រាលាញ់មនុស្សម្នាក់មិនមើលមុខមើលក្រោយ ស្វែងយល់ឲ្យបានត្រឹមត្រូវថា នាងពិតជានៅទំនេរឬយ៉ាងណា ។ពុទ្ធោអើយ!ចឹងបានរាល់ពេលដែលខ្ញុំជូននាងទៅផ្ទះ នាងមិនឲ្យជូនដល់ផ្ទះ ។តែវាជាសំណាងខ្ញុំ ឬក៏យ៉ាងណានោះទេ ដែលរួចជីវិតពីកាមលោកីយ៍នេះ ។
សូមផ្តាំដល់ បងប្អូនទាំងឡាយ កុំធ្វើត្រាប់តាមខ្ញុំធ្វើអ្វី មុនស្រលាញ់មនុស្សម្នាក់ត្រូវស្វែងយល់ពី ប្រវត្តិឲ្យបានច្បាស់ ដើម្បីបញ្ចៀសកំហុស ដូចខ្ញុំ។ម្យ៉ាងវិញទៀត មានឈ្មោះថា លួចស្រលាញ់ប្រពន្ធ គេបើគិតពីធម៌ព្រះវិញ គឺបាបធ្ងន់ធ្ងរខ្លាំងណាស់ គឺឡើងរកាដែក៕
មតិយោបល់