ខ្សែការពាររបស់ក្លិប Juventus កីឡាករ Arturo Vidal កំពុងរងពាក្យចចាមអារាមថា គាត់នឹងចាកចេញពិក្លិប នារដូវកាលនេះ។
កីឡាករ សញ្ជាតិឆីលី កំពុងមានទំនាក់ទំនងផ្លាស់ទៅកាន់ Premier League និង របាយការណ៍បានបង្ហាញឲ្យដឹងថា មានក្លិបធំៗពីរដែលចាប់អារម្មណ៍លើកីឡាកររូបនេះ នោះគឺ ក្លិប មេឃខៀវ និងបិសាចក្រហម។
https://i1272.photobucket.com/albums/y389/domneng/Arturo-Vidal-Juventus-2013_2933754_zps30575100.jpg
ចំណែកក្លិប Real Madrid និង Bayern Munich ក៏កំពុងតែរងចចាមអារាមថា ចាប់អារម្មណ៍លើកីឡាករ Vidal ។កីឡាករវ័យ ២៥ ឆ្នាំ រូបនេះអតីតកាល ធ្លាប់បានចំណាយពេល ៤ ឆ្នាំ លេងឲ្យក្លិប Bayer Leverkusen ដែលស្ថិតនៅក្នុងក្របខណ្ឌ Bundesliga ។
កីឡាករសញ្ជាតិ ឆីលី រូបនេះបាននិយាយថា “ខ្លួនពិតជាសប្បាយរីករាយណាស់ សម្រាប់ការស្នាក់នៅក្លិប Juventus នេះបើយោងតាមសម្តីរបស់កីឡាកររូបនេះ ប្រាប់ដល់សារព័ត៌មាន អ៊ីតាលី”។កីឡាកររូបនេះបានបន្ថែមទៀតថា ខ្ញុំពាក់អាវ Juventus គឺ ខ្ញុំមានមោទភាពណាស់ទៅហើយ ដោយចង់បន្តក្តីស្រម៉ៃជាមួយនឹងក្លិប Juventus និងធ្វើឲ្យក្រុមមួយនេះ មានភាពប្រសើរ។
កីឡាករវ័យ ២៥ ឆ្នាំ រូបនេះគឺជា គន្លឹះយ៉ាងសំខាន់ សម្រាប់Juventus តាំងពី ចូលរួមលេងឲ្យក្លិបមួយនេះ ក្នុងឆ្នាំ ២០១១ និងធ្វើឲ្យក្លិបមួយនេះទទួលបានជ័យជម្នះ 2011/2012 Serie A ផងដែរ៕
មតិយោបល់