កាលពី​ប៉ុន្មាន​ថ្ងៃ​មុននេះ គណនី Twitter របស់​សារព័ត៌មាន AP និង Guardian ត្រូវបាន​រង​ការវាយប្រហារ​ពី​សំណាក់ Hacker របស់​ប្រទេស​ស៊ី​រី ដោយបាន​អះអាងថា ខ្លួន​ជា​អ្នកធ្វើ ព្រមទាំង​បាន​ហៅ​ខ្លួនឯង​ថា ជា​កងទ័ព​អេ​ឡិច​ត្រូ​និ​ច​ស៊ី​រី​ថែម​ទៀតផង​។​
​នៅ​ថ្ងៃអាទិត្យ ទី​០៥​ខែឧសភា ឆ្នាំ ២០១៣ ម្សិលមិញ​នេះ សារព័ត៌មាន The Verge បាន​ចុះផ្សាយ​ថា គណនី Twitter របស់​ទស្សនាវដ្ដី E! Online ក៏ត្រូវ​បាន​រង​ការវាយប្រហារ​ដែរ ដោយ​ទម្រង់​នៃ​ការ​វាយ​ប្រកា​សគឺ​ដូចគ្នា​ទៅនឹង AP និង Guardian​។​
​នៅលើ​គណនី Twitter របស់ E! Online បាន​បង្ហោះ​ថា តារាចម្រៀង​សញ្ជាតិ​កាណ​ដា វ័យ ១៩​ឆ្នាំ លោក Justin Bieber ជា​មនុស្ស​ខ្ទើយ ពោលគឺ​ស្រឡាញ់​ភេទ​ដូចគ្នា​។​
​កាលពី​គណនី AP និង Guardian ត្រូវបាន​រង​ការវាយប្រហារ មាន Hacker មួយរូប​ឈ្មោះ Th3 Pr0 ដែលជា​ប្រធាន​ក្រុម​មួយ​នៅក្នុង កងទ័ព​អេ​ឡិច​ត្រូ​និ​ច​ស៊ី​រី វ័យ ១៩​ឆ្នាំ បានចេញ​មុខមក​ទទួល​ខុសត្រូវ​ថា គណនី AP និង Guardian ខ្លួន​ជា​អ្នក Hacke ហើយ​នៅពេលនេះ Th3 Pr0 ក៏បាន​ទទួលខុសត្រូវ​ថា គណនី E! Online ក៏​ខ្លួន​ជា​អ្នក Hack ដែរ​។​
​មួយរយៈ​នេះ Hacker ដែល​មកពី​ប្រទេស​ស៊ី​រី បានធ្វើការ​វាយប្រហារ​មកលើ​ស្ថាប័ន​សារព័ត៌មាន និង​កម្សាន្ត ប៉ុន្តែ​មិនដឹង​បំណង​ពិតប្រាកដ​នៃ​ក្រុម​នេះ​ចង់បាន​អ្វី​នោះទេ​៕
​