Indian Yogis លើកឡើងថា ” ផ្ទៃមុខជាចំនុចចាប់ផ្តើមនៃចិត្ត ហើយភ្នែកជាបង្ងួចនៃដួងព្រលឹង ” កម្រិតដែលអាចវាស់វែងបានមួយនោះ គឺភ្នែក ហើយភ្នែក គឺជាបង្អួចរបស់យើង មើលឆ្ពោះទៅកាន់ពិភពលោក។
អ្នកអាចសប្បាយរីករាយជាមួយនឹងជីវិតរបស់អ្នក ដោយអាចមើលឃើញធម្មជាតិដ៏ស្រស់បំព្រង លុះណាតែអ្នកមានភ្នែកភ្លឺថ្លាច្បាស់ល្អ។ ដូច្នេះ ទម្លាប់ក្នុងការថែរក្សាភ្នែក ឱ្យបានល្អ អាចជួយថែរក្សា ភ្នែក។
វិធីសាស្ត្រថែទាំ ៖
មើលពីចម្ងាយ : ទម្លាប់ មើលពីចម្ងាយ (ឆ្ងាយជាង២០ហ្វីត) កែវភ្នែករបស់មនុស្សយើង មិនមែនរចនាឡើង ដើម្បីប្រើការសម្រាប់មើលជិត ពេកនោះទេ ដូចជា ការអាន វាយកំព្យូទ័រ ការងាររោងចក្រ កាត់ដេរ។ល។ សម្លឹងមើលពីរយៈចម្ងាយមួយ គឺជាទីតាំងធម្មជាតិ សម្រាប់ភ្នែក (យ៉ាងតិចក៏រយៈ២០ហ្វីតដែរ)។ សាច់ដុំភ្នែក បានសម្រាកនៅពេលយើងមើលពីចម្ងាយ។
ការងារជិត ឬមើលជិត : ជៀសវាង ធ្វើការងារដែលមើលជិត នៅក្នុងពេលភ្លាមៗ បន្ទាប់ពីទទួលទានអាហាររួច ការងារជិតធ្វើឱ្យទាញចរន្តឈាមទៅកាន់ភ្នែក ជាជាងប្រើប្រាស់សម្រាប់រំលាយអាហារ ដូច្នេះហើយ នាំឱ្យខ្វះជីវជាតិបញ្ជួនទៅភ្នែក សាច់ដុំភ្នែកខ្សោយ ហើយមើលឃើញព្រិលៗ។
អស់កម្លាំង ឬឈឺ : មិនត្រូវអាននៅពេលអ្នកអស់កម្លាំង ឬឈឺទេ ព្រោះថាមពលរាងកាយខ្សោយ នាំឱ្យប្រពន្ធ័រាងកាយទាំងមួលខ្សោយ ផងដែរ។ ការអានកំឡុងពេលឈឺ អស់កម្លាំងធ្វើឱ្យសាច់ដុំភ្នែក សម្រាប់ផ្ចង់មើល ចុះខ្សោយ។
ជៀសវាងអានលើសពី៣០នាទី ក្នុងពេលម្តង : ព្រោះ៣០នាទី ប្រហាក់ប្រហែលជាពេលវេលាយូរបំផុត ដែលភ្នែកអាចទទួលបាន ដោយមិននឿយហត់អស់កម្លាំង។
ការសម្លឹងមើលថ្ងៃរះ ឬថ្ងៃលិច : ថ្ងៃរះ ឬថ្ងៃលិច ជាចំណីអាហារ សម្រាប់ភ្នែក ព្រោះវាផ្គត់ផ្គង់ និងព្យាបាល ដោយថាមពលពន្លី ចាំងឧណ្នៗ។
លំហាត់ និងម៉ាស្សាភ្នែក : លំហាត់ និងម៉ាស្សាភ្នែក ផ្តល់នូលលំហាត់ប្រាណដល់សាច់ដុំភ្នែក នាំឱ្យវាអាចទទួលបានមកវិញនូវភាពយឺត ងាយបត់បែន ដែលបាត់បង់៕
//i1272.photobucket.com/albums/y389/domneng/Eye-Care-_zps27732dbc.jpg
មតិយោបល់