ប្រភពព័ត៌មានប្លែកៗជុំវិញពិភពលោក បានឱ្យដឹងកាលពីពេលកន្លងទៅនេះថា រូបសំណាកបុរសមាឌយក្សម្នាក់ ត្រូវបានដាក់តាំងបង្ហាញនៅក្នុងពិធីពិព័រណ៍ខ្នាតអន្តរជាតិ របស់ហុងកុង ដែលមានភ្ញៀវកិត្តិយស នាំគ្នាអញ្ជើញចូលទស្សនា យ៉ាងច្រើនកុះករ គួរឱ្យកត់សម្គាល់។
ពិធីតាំងពិព័រណ៍នេះ ក្រោមប្រធានបទនៃកិច្ចបង្ហាញអំពីស្ថាដៃសិល្បៈចិន “ Hong Kong international art fair ” ដោយក្នុងនោះ គេសង្កេតឃើញថា មានរូបសំណាកបុរសមាឌយក្ស កម្ពស់ទល់ដំបូលសាលមហោស្រពដ៏ធំបំផុតនៅក្នុងប្រទេស អេស្ប៉ាញ មើលទៅឃើញថា គួរឱ្យស្ញើបក្រៃលែង។ គម្រោងនេះ អាចនឹងបន្តទៅធ្វើការដាក់តាំងពិព័រណ៍ នៅលើទឹកដីនៃប្រទេស អាឡឺម៉ង់ ជាបន្តទៀត ដោយគេរំពឹងទុកថា ទទួលបានការចាប់អារម្មណ៍ ក៏ដូចជាមានមនុស្សម្នារចូលរួមគាំទ្រ មិនចាញ់ទីនេះឡើយ។ ម្ល៉ោះហើយពិធីតាំងពិព័រណ៍នេះ មានស្នាដៃនៃអ្នកសិល្បៈចំនួន 110 ប្រភេទ ដែលមានការរចនាផ្សេងៗពីគ្នា មកពី 24 ប្រទេស ចូលរួមដាក់តាំងបង្ហាញ។
គួរបញ្ជាក់ថា រូបសំណាកបុរសយក្ស ដែលត្រូវបានទទួលការចាប់អារម្មណ៍ យ៉ាងគំហុកខាងដើម ស្ថាបនាឡើងពីសាច់ក្រមួនសុទ្ធ និងមានទ្រង់ទ្រាយដូចមនុស្សពិតៗ ជាស្នាដៃរបស់សិល្បៈករស្មូនរូប គឺលោក Mu Boyan សញ្ជាតិចិន ដ៏មានជំនាញយ៉ាងចំណាន ក៏ដូចជាកេរ្តិ៍ល្បីរន្ទឺ ជុំវិញពិភពលោក ផងដែរ៕
https://i1272.photobucket.com/albums/y389/domneng/Giant/Week-in-art-Nude-No-2-by-002_zpsb375cc6e.jpg
https://i1272.photobucket.com/albums/y389/domneng/Giant/Week-in-art-Nude-No-2-by-0021_zps7b69f747.jpg
មតិយោបល់