ក្រុមហ៊ុន Apple កំពុងតែមានគម្រោងផ្ដល់ជូននូវលក្ខខណ្ឌពិសេសមួយដល់អតិថិជនក្នុងការយក iPhone ម៉ូដែលចាស់ មកប្ដូរយក iPhone ថ្មី។ នេះបើយោងតាម Bloomberg TV បានរាយការណ៍។
នេះជាលើកទីមួយហើយ ដែលក្រុមហ៊ុន Apple ផ្ដល់ជូននូវគម្រោងពិសេសនេះដល់អតិថិជន ប៉ុន្តែគេមិនទាន់ដឹងច្បាស់ថា ការយក iPhone ចាស់មកប្ដូរថ្មីនេះ មានលក្ខខណ្ឌអ្វីខ្លះនោះទេ។
សារព័ត៌មាន Bloomberg បានរាយការណ៍ថា ព័ត៌មាននេះ ទទួលបានមកពីប្រភពអ្នកដែលធ្វើការនៅក្នុងគម្រោងថ្មីនេះ បានបង្ហើបឲ្យដឹង ហើយកម្មវិធីនេះ នឹងត្រូវចាប់ផ្ដើមនៅក្នុងខែនេះតែម្ដង ប៉ុន្តែសម្រាប់កាលបរិច្ឆេទនៅមិនទាន់ដឹងនោះទេ គ្រាន់តែដឹងថា អ្នកអតិថិជនទាំងអស់អាចយក iPhone របស់ខ្លួនមកប្ដូរយក iPhone 5 បាន។
គួរបញ្ជាក់ផងដែរថា នេះជាព័ត៌មានចចាមអារ៉ាមដំបូងដែល មិនធ្លាប់ឮពីមុនឡើយសម្រាប់ក្រុមហ៊ុន Apple៕
ព័ត៌មានជាតិ
មតិយោបល់