សេចក្ដីប្រកាសជាសាធារណៈមួយបានឲ្យដឹងថា ក្រុមហ៊ុនផលិតទូរស័ព្ទដៃហ្វាំងឡង់ Nokia នឹងឈប់លក់ទូរស័ព្ទប្រើប្រព័ន្ធដំណើរការ Symbian នៅក្នុងរដូវក្ដៅឆ្នាំនេះ។
យោងតាមគេហទំព័រ Financial Times បានឲ្យដឹងថា នៅពេលនេះ ក្រុមហ៊ុន Nokia មមាញឹកក្នុងការរៀបចំយុទ្ធសាស្ត្រ និងចំណាយលុយជាច្រើនទៅលើស្មាតហ្វូន Windows Phone ហើយក៏បានសម្រេចចិត្តឈប់ចេញលក់ទូរស័ព្ទដៃប្រើប្រព័ន្ធដំណើរការ Symbian នៅចុងឆ្នាំនេះតែម្ដង។
មូលហេតុធំចម្បងនៃការឈប់ចេញលក់ទូរស័ព្ទប្រើ Symbian គឺដោយសារតែទូរស័ព្ទដៃដែលប្រើ Symbian មានតម្រូវការទាប និងធ្លាក់ចុះជាលំដាប់ស្ទើរតែដល់ចំណុចសូន្យ ដែលជាហេតុធ្វើឲ្យក្រុមហ៊ុនចំណាយលុយជាច្រើនក្នុងការស្រោចស្រង ប៉ុន្តែទីបំផុតនៅតែមិនអាចល្អប្រសើរឡើង។
គួរបញ្ជាក់ផងដែរថា នៅមុនពេលក្រុមហ៊ុន Nokia ជ្រើសរើស Windows Phone គឺមានតែ Symbian ទេ ដែលជាអ្នកធ្វើឲ្យ Nokia ជោគជ័យ ប៉ុន្តែដោយសារតែការវិវឌ្ឍន៍ និងភាពជឿនលឿននៃវិស័យបច្ចេកវិទ្យាទើបធ្វើឲ្យ Nokia សម្រេចចិត្តបោះបង់ Symbian៕
ព័ត៌មានជាតិ
មតិយោបល់