នៅថ្ងៃសៅរ៍ ទី ៦ ខែ កក្កដា ឆ្នាំ ២០១៣ ខាងមុខនេះ ក្រុមតំណាងបាល់ទាត់ហ្វូតសាលគេហទំព័រ ដំណឹង និងជំនួបជើងជាមួយនឹងក្រុមបាល់ទាត់ ហ្វូតសាល Blue Phoenix វេលាម៉ោង ៤ រហូតដល់ម៉ោង ៦ ល្ញាចនៅលើទីលានបាល់ទាត់ Emperial។
នេះជាលើកទី ១ ហើយសម្រាប់ក្រុមកីឡាបាល់ទាត់ទាំងពីរជួបជើងគ្នា និងមិនដែលមានប្រវត្តិជួបគ្នាម្តងណាឡើយ និងក៏មិនដឹងថាក្រុមមួយណាខ្លាំងជាងក្រុមមួយណាឡើយ។
លោក រក្សា ដែលជាខ្សែការពារដ៏ឆ្នើមក្រុមបាល់ទាត់ តំណាងឲ្យគេហទំព័រ ដំណឹង បាននិយាយប្រាប់គេហទំព័រ ដំណឹងថា “លោកពិតជារីករាយណាស់សម្រាប់ការប្រកួតនៅថ្ងៃនោះ ហើយក៏ជាជំនួបជើងមិត្តភាពដំបូងរវាងគ្នា និងគ្នា តែលោកសង្ឈឹមជំនួបមិត្តភាពនឹងឈ្នះជាក់ជាមិនខាន”។ លោកបានបន្តទៀតថា លោកពិតជា សោកស្តាយណាស់នៅថ្ងៃនោះ ដែលយើងអវត្តមានខ្សែប្រយុទ្ធដ៏ឆ្នើមរបស់យើង ដែលមានបញ្ហារបួសផ្នែកប្រអប់ជើង និងមិនអាចចូលរួមប្រកួតបាន នោះគឺ កីឡាករ ស៊ុនលី រាល់ការប្រកួតតែងតែស្វែងរកគ្រាប់ជូន ក្រុមជានិច្ច។ទោះជាយ៉ាងនេះក្តី យើងនៅមានកីឡាករខ្លាំងៗផ្សេងទៀត ដូចជាកីឡាករ កែន រិទ្ធា កីឡាករ ម៉ៅ សុខេន កីឡាករ គឹម រិន ដា កីឡាករ ថា សុភ័ក្រ កីឡាករ ជួប រតនា កីឡាករ ពិទូ កីឡាករ ប៉ូលីញ៉ូ និងជើងខ្លាំងផ្សេងៗទៀត ជាពិសេសនោះគឺ អ្នកប្រយុទ្ធមាឌយក្សលោក ឡុង សត្យា ។
ខ្សែការពារដ៏រឹងមាំរូបនេះ បានបន្តថា “យើងមិនអាចមើលងាយគូប្រកួតបានទេ នៅថ្ងៃនោះ ព្រោះថា តាមការឭល្ហៀងៗមកថា ក្រុមបាល់ទាត់នេះ មិនធម្មតាទេ លើសមរភូមិវាលស្មៅសប្បនិម្មិតកន្លងមក និងមានប្រវត្តិឈ្នះរាប់ភ្លេចផងដែរ”។
ទោះជាយ៉ាងណា ការប្រកួតមិត្តភាពនេះ យើងនឹងសង្ឈឹមថា នឹងពាំនាំលទ្ធផលជូនក្រុម ជាក់ជាមិនខានឡើយ៕
https://i1272.photobucket.com/albums/y389/domneng/Decore/968960_625933570751906_1661732268_n_zps84a1f58e.jpg
ក្រុមបាល់ទាត់ Blue Phoenix
https://i1272.photobucket.com/albums/y389/domneng/Decore/947349_557401647637757_1157053377_n_zps4433853b.jpg
ក្រុមបាល់ទាត់ គេហទំព័រ ដំណឹង
មតិយោបល់