ប្រធានាធិបតីសហរដ្ឋអាមេរិក លោក បារ៉ាក់ អូបាម៉ា នឹងមិនបោះបង់ការធ្វើដំណើរទស្សនកិច្ចទៅកាន់ប្រទេសរុស្ស៊ីនោះទេ នេះបើយោងតាមឯកអគ្គរដ្ឋទូតសហរដ្ឋអាមេរិកប្រចាំទីក្រុងម៉ូស្គូបានថ្លែងឲ្យដឹងកាលពីថ្ងៃចន្ទម្សិលមិញនេះ។
“ខ្ញុំរវល់រៀបចំត្រៀមខ្លួនសម្រាប់ទទួលដំណើរទស្សនកិច្ចរបស់លោកប្រធានាធិបតី អូបាម៉ា ដែលនឹងមកដល់ទីក្រុងម៉ូស្គូនាខែកញ្ញា។ ខ្ញុំកំពុងតែទន្ទឹងរង់ចាំដំណើរទស្សនកិច្ចនេះ”។ នេះជាសម្ដីរបស់លោក Michael McFaul ឯកអគ្គរដ្ឋទូតសហរដ្ឋអាមេរិកប្រចាំទីក្រុងម៉ូស្គូ បានសរសេរនៅលើបណ្ដាញសង្គម Twitter។
នៅមុននេះ កាសែត Kommersant បានដកស្រង់សម្ដីរបស់ប្រធាននាយកដ្ឋានមួយថា លោក អូបាម៉ា បានចាកចេញពីដំណើរទស្សនកិច្ចរបស់លោកទៅកាន់ប្រទេសរុស្ស៊ី នៅមុនពេលកិច្ចប្រជុំ G20 ប្រារព្វឡើង។
លោក McFaul បានបដិសេធចំពោះព័ត៌មានដែលបានចុះផ្សាយថា លោក អូបាម៉ានឹងលុបចោលដំណើរទស្សនកិច្ច ប្រសិនបើអតីតទីភ្នាក់ងារសន្តិសុខជាតិ Edward Snowden បន្តរស់នៅក្នុងប្រទេសរុស្ស៊ីនាពេលនេះ។
ក្រុមអ្នកឃ្លាំមើលរបស់សហរដ្ឋអាមេរិកបាននិយាយថា លោក Snowden បានស្ថិតនៅក្នុងប្រទេសរុស្ស៊ីអស់រយៈពេល៣សប្ដាហ៍មកហើយ បើគិតចាប់ពីថ្ងៃទី២៣ខែមិថុនា ឆ្នាំ ២០១៣ ជាថ្ងៃដែលលោកបានចេញចេញពីទីក្រុងហុងកុងប្រទេសចិន៕
ព័ត៌មានជាតិ
មតិយោបល់