ប៉េកាំង (17/07/13) ៖ ប្រភពព័ត៌មានពីទីភ្នាក់ងារសារព័ត៌មានស៊ិនហួររបស់ចិនបានឲ្យដឹងថារបាយការណ៍របស់យូអិនមួយបានបញ្ជាក់ពីចំនួនមនុស្សស្លាប់ក្នុងមួយខែៗនៅក្នុងប្រទេសស៊ីរីមានទៅដល់ 5 ពាន់នាក់ ហើយចំនួននៃជនភៀសខ្លួនគឺបានកើនឡើងយ៉ាងគំហុកនិងឆាប់រហ័សបំផុតដែលវាបញ្ហាដ៏គួរឲ្យខ្លាចមួយ។
អគ្គលេខាធិការងសម្រាប់សិទ្ធិមនុស្សប្រចាំអង្គការសហប្រជាជាតិ Iabn Simonovic បានបកស្រាយប្រាប់ពីស្ថានភាពនៃអំពើហិង្សាដ៏អាក្រក់ដែលកំពុងកើតមាននៅក្នុងស៊ីរីទៅដល់ក្រុមប្រឹក្សាសន្តិសុខរួចរាល់ហើយនៅពេលដែលសង្គ្រាមស៊ីវិលនិងការកើនឡើងនៃជម្លោះបានធ្វើឲ្យប្រទេសនេះធ្លាក់ក្នុងសភាពកាន់តែធ្ងន់ធ្ងរ។មកទល់នឹងពេលនេះជនភៀសខ្លួនសរុបដែលមាននៅតាមជិតខាងប្រទេសស៊ីរីមានទៅដល់ 1,8 លាននាក់ហើយដែលត្រូវបានចុះឈ្មោះហើយមានប្រមាណ 6 ពាន់ នាក់ជាមធ្យមកំពុងតែបន្តការចុះឈ្មោះ។
ប្រធានផ្នែកជំនួយមនុស្សធម៍របស់អង្គការសហប្រជាជាតិលោកស្រី Valerie Amos បាននិយាយថាយ៉ាងហោចណាស់ក៏មានជនភៀសខ្លួនស៊ីរី 6,8 លាននាក់ដែរដែលត្រូវការជំនួយមនុស្សធម៍ចាំបាច់ហើយលោកស្រីបានស្តីបន្ទោសនិងទម្លាក់កំហុសទៅដល់ភាគីខាងរដ្ឋាភិបាលនិងក្រុមប្រឆាំងស៊ីរីដែលហាក់ដូចជាមិនមានការខិតខំប្រឹងប្រែងក្នុងការធ្វើឲ្យប្រសើរឡើងនូវបញ្ហានេះទេ៕
មតិយោបល់