​កាលពី​ម្សិលមិញ​នេះ មាន​សេចក្ដីរាយការណ៍​ថា ការដែល Apple ពន្យារពេល iPhone 5S ដោយសារតែ​ការបំពាក់​បច្ចេកវិទ្យា​ស្គែ​ន​ម្រាមដៃ ប៉ុន្តែ​នៅថ្ងៃនេះ​វិញ សារព័ត៌មាន Bloomberg បាន​ចុះផ្សាយ​នូវ​ព័ត៌មាន​ចចាមអារ៉ាម​មួយ​ថា iPhone 5S ត្រូវបាន​ពន្យារពេល ដោយសារតែ iPhone 5S ត្រូវបាន​ពង្រីក​អេក្រង់​ធំ​ជាង​មុន រហូតដល់​ទៅ ៤.៣​អ៊ីង ដេ​ល​ពីមុន​មាន​ត្រឹមតែ ៤​អ៊ីង​។​
​សារព័ត៌មាន Bloomberg បាន​ចុះផ្សាយ​ថា ព័ត៌មាន​នេះ​មាន​ប្រភពដើម​នៅក្នុង​ប្រទេស​ចិន ដែល​សារព័ត៌មាន Commercial Times ជា​អ្នក​ចុះផ្សាយ​។
​គួរបញ្ជាក់​ផងដែរ​ថា នៅមុននេះ មាន​ព័ត៌មាន​ជាច្រើន​បាន​ចុះផ្សាយ និង​បង្ហាញ​នូវ​រូបភាព iPhone ជំនាន់​ថ្មី ប៉ុន្តែ​សុទ្ធសឹងតែ​ជា​ព័ត៌មាន​ចចាមអារ៉ាម​ទាំងអស់​៕
​