បរិភោគទំពាំងបាយជូរ មិនត្រឹមតែផ្តល់ឲ្យសុខភាពល្អតែប៉ុណ្ណោះទេ ប៉ុន្តែវាល្អណាស់ដែរសម្រាប់បញ្ហាផ្លូវភេទ ។
ថ្មីនេះដែរខាងទំព័រ Health Daily ក្នុ្ងប្រទេសអង់គ្លេស បាននិយាយថា ញ៉ាំទំពាំងបាយជូរ នឹងផឹកស្រាដែលមានជាតិទំពាំងបាយជូរច្រើន វាមិនប៉ះពាល់ដល់សុខភាពនោះទេ ដោយវាមានមុខងារសំខាន់អាចត្រួតពិនិត្យលើបញ្ហាផ្លូវភេទ ដោយបង្កើតចំណង់ស្នេហាកាន់តែច្រើនឡើងថែមទៀតផង។
តាមការស្រាវជ្រាវរបស់សាកលវិទ្យាល័យ Surrey London England បានឲ្យដឹងថា ពួកគេបានស្វែងរកឃើញ អរម៉ូនផ្លូវភេទជាច្រើនត្រូវបានផលិត ឡើង ដែលពិបាកនឹងគ្រប់គ្រង ដោយសារតែចំនួននៃ ក្លូកូស ។ ខណៈដែលរាងកាយមនុស្សដែលខ្វះខាត ជាតិក្លូកូស ងាយនឹងអស់កម្លាំង និងមានបញ្ហាដោយគ្មានបំណងចង់តម្រកឡើយ ។ស្របពេលនេះដែរជាតិស្ករក្នុងទំពាំងបាយជូរ គឺសារធាតុចំបងដែលសម្បូរទៅដោយជាតិស្ករ (ក្លូកូស) ដូច្នេះវាអាចធ្វើឲ្យរាងកាយមានថាមពលយ៉ាងឆាប់រហ័ស។
ខណៈដែលឈាមនៅក្នុងរាងកាយមានជាតិស្ករតិច គួរតែដល់ពេលដែលទឹកទំពាំងបាយជូរជាអ្នកដែលជួយហើយ ដោយអាចបំបាត់រោគសញ្ញាជាតិស្ករក្នុងឈាមតិច។ស្របពេលជាមួយនឹងគ្នានេះដែរ អ្នកស្រាវជ្រាវរបស់បារាំង បានរកឃើញថា ទំពាំងបាយជូរអាចបង្ការ និងកាត់បន្ថយកម្រិតកូលេស្តេរ៉ុល កម្រិតខ្លាញ់នៅក្នុងឈាម និងជួសជុលលំហូរនៃសរសៃឈាម ហើយនិងបញ្ហាមិនប្រក្រតីលើកាមតម្រក។
គួរបញ្ជាក់ផងដែរថា ទំពាំងជូរមានផ្ទុកសារធាតុចិញ្ចឹម ដែលអាចជួយឲ្យរាងកាយក្មេងជាងវ័យ ដោយប្រឆាំងនឹងភាពចាស់ ។ មាន ៨០ ភាគរយ ដែលប្រើប្រាស់ស្រាទំពាំងបាយជូរ ដោយក្នុងនោះភាគច្រើនជាស្ត្រី ដែលតែងតែផឹកស្រាទំពាំងបាយជូរ ជារៀងរាល់ថ្ងៃ ។ ស្រាទំពាំងបាយជូរ ឬផ្លែទំពាំងបាយជូរ វាមិនត្រឹមតែ ពន្យាពេលនៃការអស់រដូវ ប៉ុណ្ណោះទេ វាថែមទាំងធ្វើឲ្យជីវិតផ្លូវភេទ ពោរពេញទៅដោយសេចក្តីសុខ៕
មតិយោបល់