ស្នេហាសម្រាប់បុរស់គ្រាន់តែជាផ្នែកមួយនៃជីវិតតែប៉ុណ្ណោះតែចំពោះនារីវិញស្នេហាគឺជាជីវិតទាំងមូលនៅពេលដែលស្នេហាត្រូវបាត់បង ទើបភ្ញាក់ខ្លួន ប៉ុន្តែអ្វីៗត្រូវជ្រុលហួសអស់ទៅហើយ។ ត្បិតតែនេះជាការពិតតែមិនមែនមនុស្សគ្រប់រូបមានចិត្តដូចគ្នា នោះទេ មានបុរស់ខ្លះអាចក្លាយទៅជាជនពាលាអាវ៉ាសែគិតតែដើរផឹកស៊ីដោយ សារតែការបាត់បងស្នេហាក៏មាន ហើយខ្លះទៀតអាចឈានដល់ការបញ្ចប់ជីវិតរបស់ខ្លួនដោយសារស្នេហាមិន បានសម្រេចដូចបំណងក៏មាន។ រីឯនារីមានសារធាតុស្លូតបូតទន់ភ្លន់ងាយនឹងទទួលរងនូវការ ប៉ះទង្គិចផ្នែកផ្លូវចិត្តជាងបុរស់ ព្រោះនេះគឺជាការតាក់តែងរបស់ធម្មជាតិ។
ដំណាក់កាលដំបូង កុំព្យាយាមនៅស្ងប់ស្ងាត់តែម្នាកឯង
អនុស្សាវរីយ៍ដែលដែលធ្លាប់បានសាងកន្លងមកវានឹងដិតជាប់ជាមួយ អារម្មណ៍របស់អ្នកជានិច្ច។ ភាពសោកសៅ ព្រមទាំងក្តីអស្ឃឹមនឹងកើតមានឡើងនៅក្នុងចិត្តរបស់អ្នកភ្លាមៗ ដែរ នេះហើយដែលគេហៅថារោគ «ខូចចិត្ត»។ ហេតុនេះហើយអ្នកគួរតែរកមិត្តភក្តិ ឬអ្នកជិតដិតមកជជែកកំសាន្តដើម្បីបន្ធូរអារម្មណ៍តានតឹង និងព្យាយាមទទួលយកគំនិតល្អៗដែលពួកគេបានផ្តល់ឲ្យ។ អ្នកមិនត្រូសងំនៅតែម្នាក់ឯងនោះទេ បណ្តោយឲ្យចិត្តនឹកគិតដល់រឿងចាស់ដែលធ្លាប់សាងជាមួយគេម្នាក់ នោះ។ បើនៅតែមានចិត្តរឹងរួសអ្នកនឹងមិនអាចងើបផុតពីរណ្តៅទុកនេះឡើយ។ ជាពិសេសពេលយប់ដែលជាពេលស្ងប់ស្ងាត់ ដែលធ្វើឲ្យអារម្មណ៍របស់អ្នកងាយនឹងអណ្តែតអណ្តូងគិតដល់រឿងអាតីត ដូច្នេះហើយអ្នកគួរតែធ្វើតាមវិធីសាស្ត្រដូចខាងក្រោម៖
១.ស្តាប់បទចម្រៀង
ការស្តាប់ចម្រៀង ឬបទភ្លេងផ្សេងគឺជាផ្នែកមួយដែលអាចជួយកាត់បន្ថយនូវភាពហ្មងសៅ និងអាចរសាយនូវវិបត្តិផ្លូវចិត្តបានខ្លះដែរ។
២.មើលវីដេអូ
ត្រូវមើលណាដែលមានលក្ខណៈបែបកំប្លុកកំប្លែង ដែលធ្វើឲ្យអ្នកសប្បាយចិត្ត ហើយភ្លេចនូវទុកកង្វល់ផ្សេងៗ ផ្ទុយទៅវិញអ្នកគប្បីកុំមើលរឿងណាដែលបញ្ហាស្នេហាឡើយ។
៣.របស់អនុស្សាវរីយ៍
វត្ថុផ្សេងៗដែលគេធ្លាប់បានឲ្យទាំងប៉ុន្មាន បើអាចជៀសវាងបានអ្នកគួរតែបោះបង់ ព្រោះនេះក៏ជាចំណែកមួយដែលអាចឲ្យអ្នកនឹងឃើញនូវរឿងអតីតឡើងវិញ ដែរ។
៤.កន្លែងដែលធ្លាប់កត់ត្រានូវអនុស្សាវរីយ៍
កុំព្យាយាមត្រឡប់ទៅរកកន្លែងចាស់ឲ្យសោះ ព្រោះនោះជាកន្លែងដែលបង្កប់នូវអនុស្សាវរីយ៍ផ្សេងៗ ដែលអ្នកបានសាងជាមួយនឹងគេម្នាក់នោះ ហើយរឿងចាស់អ្នកអាចនឹកឃើញវិញបានគ្រប់ពេលវេលា។
៥.ការនិយាយពីស្នេហា
អ្នកត្រូវនៅឲ្យឆ្ងាយពីកន្លែងណាមួយដែលនិយាយអំពីស្នេហា ឬក៏កន្លែងណាដែលមានគូសង្សាកំពុងតែមានភាពស្និតស្នាលជាមួយគ្នា ដែលធ្វើឲ្យអារម្មណ៍របស់អ្នករសាបរសល់នៅមិនសុខ នឹកឃើញរឿងដើមយ៉ាងរហ័ស។
៦.ការចាប់អារម្មណ៍អ្វីដែលប្លែកៗ
អ្នកគួរតែងាយមកចាប់អារម្មណ៍នូវអ្វីដែលប្លែកៗ វាអាចជួយឲ្យចិត្តរីករាយបាត់ទុក្ខកង្វល់បាន។ សូមកុំបន្ទោសខ្លួនឯង ឬក៏ទម្លាក់កំហុសលើគូស្នេហ៍ថាជាដើមហេតុធ្វើឲ្យមានទុក្ខសោក ក្នុងចិត្ត។ មិនថានរណាមួយ ខុសឡើយ សំខាន់បំផុតត្រូវតាំងចិត្ត និងចេះចាប់ផ្តើមសាជាថ្មី នោះទើបអ្នករកឃើញថាពិភពលោក
ពិតជាគួរឲ្យចង់រស់នៅ និងមានអត្ថន័យចំពោះបែបណាជីវិត៕
ចុចទីនេះមើលប្រភពដើមសហការជាមួយនឹងដំណឹង ៖www.mungkulkar.com
មតិយោបល់