សាលារៀនមត្តេយ្យសិក្សាមួយកន្លែងដែលស្ថិតនៅក្នុងទីក្រុងTaichung ប្រទេសតៃវ៉ាន់ដែលមានឈ្មោះ Albert Kinderagarten មិនត្រឹមតែបង្រៀនការហាត់សរសេរនិងអានដល់ក្មេងៗនោះទេនៅក្នុងនោះក៏មានម៉ោងមួយចំនួនដែលបានដាក់បញ្ចូលមុខវិជ្ជាមួយដែលកងទ័ពជើងទឹកហ្វឹកហាត់នៅក្នុងនោះដែរ។លោកនាយកសាលា Fong Yun-I ជាអ្នកបង្កើតឲ្យមានមុខវិជ្ជានេះឡើងបាននិយាយថាវានឹងអាចធ្វើឲ្យក្មេងមានទំនុកចិត្តកាន់តែខ្លាំងលើសមត្ថភាពរបស់ខ្លួននៅពេលដែលពួកគេក្លាយជាយុវជនមា្នក់ហើយពួកគេនឹងទទួលបានជោគជ័យពីអ្វីដែលពួកគេធ្លាប់បានរៀនមុខវិជ្ជានេះនៅសាលាកន្លែងធ្វើការនិងថែមទាំងជីវិតអាពាហ៍ពិពាហ៍ទៀតផង។
វាមិនដូចជាសាលាមត្តេយ្យផ្សេងៗដែលពួកគេក្មេងៗអាចរកញុំាស្ករគ្រាប់បានយ៉ាងស្រួលនោះទេតែបែជាផ្តល់ឲ្យមកវិញនូវខ្ទឹមសារឆៅៗសម្រាប់ជាចំណីរបស់ពួកគេវិញដែលលោក Fong បាននិយាយថាវាអាចជួយឲ្យក្មេងៗអាចជៀសផុតពីជម្ងឺផ្តាសាយទៅវិញ។ Yvonne Feng អាយុ 9 ឆ្នាំបាននិយាយថាពីតំបូងដែលខ្លួនបានចាប់ផ្តើមហ្វឹកហាត់ជាមួយនឹងមុខវិជ្ជានេះគឹមានការចាប់អារម្មណ៍យ៉ាងខ្លាំងតែបានតែមួយរយៈប៉ុណ្ណោះវាបានធ្វើឲ្យគេចង់ឈប់រៀនទៅវិញនៅខណៈដែលឪពុកម្តាយខ្លួនបានបដិសេធហើយព្យាយាមឲ្យគេប្រឹងរៀនបន្តនៅសាលានេះទៀត។
មានការរិះគន់ជាច្រើនពីសំណាក់សាស្ត្រាចារ្យនិងប្រជាជនតៃវ៉ាន់ជាច្រើនទៅលើបញ្ហាមុខវិជ្ជាដែលសាលា Albert Kindgeration នេះបានដាក់ឲ្យសិក្សាដោយបាននិយាយថាវាបានធ្វើឲ្យប៉ះពាល់ដល់ការរីកលូតលាស់នៃរាង្គកាយរបស់ក្មេងៗនិងផលប៉ះពាល់អវិជ្ជមានមួយចំនួនទៀតផងដែរ។ទោះបីជាយ៉ាងណាក្តី Fong Yun-I នៅតែមានគំនិតវិជ្ជមានលើបញ្ហានេះហើយបានថែមទាំងនិយាយអតីតសិស្សរបស់គាត់ដែលបានឆ្លងកាត់មុខវិជ្ជានេះថែមទាំងមានការលូតកំពស់ខុសឆ្ងាយពីសិស្សសាលាធម្មតាផ្សេងទៀត៕
ទស្សនាវីដេអូឃ្លិបដូចខាងក្រោមនេះ៖
មតិយោបល់